Ólafur Ragnar er mun vinsælli meðal sjalla en Geir Haarde

Morgunblaðið fylgist vel með undirskriftasöfnuninni til áskorunar á Ólaf Ragnar að bjóða sig fram. Birtir mbl.is reglulega nýjustu tölur og hvetur menn til þátttöku og hafa um 13000 manns orðið við kallinu á þeim rúma sólarhring sem söfnunin hefur staðið.

Önnur undirskriftasöfnun er í gangi á netinu, sem er á vegum samtakanna Málsvörn, til stuðnings Geir  H. Haarde í Landsdómsmálinu. Söfnunin hefur staðið yfir í nokkra mánuði og hafa aðeins 4661 skrifað undir og  ekki hefur orðið breyting á fjöldanum í nokkrar vikur, stuðningsmannalistinn er sennilega að fullu tæmdur. Ekki er stafkrókur í Mogganum um söfnun Geirs.

Það er áhugavert að Mogginn og sjálfstæðismenn hafi til muna meiri áhuga á  framgangi „kommans frá Ísafirði“ en fyrrverandi forsætisráðherra óskeikula flokksins og hreinræktuðum eðalsjalla.

Vart er við öðru að búast, vegna þessarar uppákomu, en viðvarandi snúningur hljóti að vera á gengnum foringjum sóðaflokksins, hvar þeir „hvíla“ í gröfum sínum.

  

Undirskriftum fjölgar ört

Athugasemdir

[Kolbrún Hilmars, 22.1.2012 kl. 17:20]

Ja, Geir kyssti Sollu á Þingvöllum hér um árið en ekki Ólafur. Oft veldur lítill koss þungu hlassi - eða þannig...

[Axel Jóhann Hallgrímsson, 22.1.2012 kl. 17:50]

Það var súr svikakoss og verður Sollu seint fyrirgefin.

[Kolbrún Hilmars, 22.1.2012 kl. 18:17]

Hvorugu þeirra verður kossinn sá fyrirgefinn sbr.pistilinn þinn, Axel. Miðað við myndir af fyrirbærinu virtist kossinn bæði hafa verið gagnkvæmur - og dýrkeyptur. Geir kominn fyrir landsdóm og Solla til Afghanistan!

[Axel Jóhann Hallgrímsson, 22.1.2012 kl. 18:28]

Þá tel ég hlutskipti Geirs skárra, hann kann að verða sýknaður og hvítþveginn fyrir Landsdómi. Imba verður enn útbýjuð, komi hún þá til baka. Þannig verður líka með Geir, verði honum "bjargað" frá hugsanlegri sýknu. Hann verður alltaf með stimpilinn á bakinu.

[Guðjón Sigþór Jensson, 22.1.2012 kl. 18:35]

Vinsældir Ólafs Ragnars meðal fylgismanna Sjálfstæðisflokksins eru mjög einkennilegar. Hvernig getur fyrrum helsti fjandmaður Sjálfstæðisflokksins allt í einu orðinn vinsælli en formaðurinn fyrrverandi sem Sjálfstæðisflokkurinn vill leggja allt í sölurnar til að koma í veg fyrir að Landsdómur fjalli um brot hans?

Ætli Sjálfstæðisflokkurinn reyni jafnvel að hafa Ólaf í vasanum ef Geir verði dæmdur sekur? Forseti hefur jú heimild til að veita sakamanni sakaruppgjöf!

[Axel Jóhann Hallgrímsson, 22.1.2012 kl. 19:29]

Sjallarnir eru nú ekki ókunnugir þeirri aðferð, hún var notuð þegar handhafar forsetavalds, allt sjálfstæðismenn, nýttu sér fjarveru Ólafs Ragnars og hvítskrúbbuðu laskaða æru Árna Johnsen.

[Ásthildur Cesil Þórðardóttir, 22.1.2012 kl. 20:45]

Jamm ég held að þessu fólki væri greiði gerður með að það færi fyrir dómstóla og fengi sekt eða sýknu, ef þau virkilega trúa því að þau séu svona saklaus, af hverju þá að streitast á móti því að mál þeirra verði tekinn fyrir.  Held að Ólafur sé ósnortinn af fleðulátum sjallanna, vona það allavega.