Þarf ekki frekar ferskt, og þá auðvitað erlent, bændakyn á þessa bæi?

Ef íslenskar kvígur henta ekki bændunum í Gunnbjarnarholti og Skáldabúðum, væri þá ekki hentugra og fyrirhafnarminna að flytja inn ferskt og nýtt bændakyn og skipta út þreyttum og úr sér gengnum ábúendunum á þessum bæjum?  

Vilja nýtt kúakyn til Íslands

Athugasemdir

[anna (IP-tala skráð) 12.2.2012 kl. 18:11]

Góður!!!    Sammála!!!

[Elli (IP-tala skráð) 12.2.2012 kl. 18:15]

flytja bara inn mjólkina....

[Axel Jóhann Hallgrímsson, 12.2.2012 kl. 18:18]

Hvar á að fá aur fyrir mjólkinni Elli?

[Jón Logi (IP-tala skráð) 12.2.2012 kl. 19:39]

Sjálfur hef ég mjólkað Sænskar Rauðar (SRB), Sænskar Holstein-Friesian (SLB), Jersey, og Breskar Holstein-Friesian og Friesian.

Eftir það gæti ég ekki verið meira sammála Arnari Bjarna, og kall veit alveg hvað hann syngur.

Breskar Friesian heilluðu mig nokkuð líka og svo Guernsey úr Amerískri ræktun, - ofur flottir gripir.

Holdakyn voru flutt inn fyrir nokkru, - Aberdeen Angus og Limousin. Íslensku gripirnir eiga ekkert í þá að gera í vexti og kjötgæðum.

Kjötið er íslenskt þótt ættin sé það bara að hluta, því fóðrið er íslenskt. Sama yrði með mjólkina, og jafnvel yrði hún enn "Íslenskari", því með betri nýtingu á gróffóðri og stærri skepnu mætti hugsanlega minnka hlutfall innflutts kjarnfóðurs.

Ég held að erlendir bændur myndu ekki láta flytja sig inn til að vinna við okkar kýr, og Elli hættir örugglega við mjólkurinnflutningin þegar að hann fattar að Íslenska mjólkin er ekki bara sú ódýrasta í evrópu, heldur sú hreinasta líka....

[Valgeir (IP-tala skráð) 12.2.2012 kl. 19:39]

aurinn fyrir mjólkinni fær maður með niðurgreiðslum, þ.e. afnámi þeirra...

[Kristján B Kristinsson (IP-tala skráð) 12.2.2012 kl. 20:55]

Gerið ykkur grein fyrir því að ef á að fara að flytja inn nýmjólk þá er eina leiðin að flytja hana með flugi vegna hins skamma líftíma vörunnar hvað getið þið ímyndað ykkur að hún myndi kosta þetta eru nokkrir flugvélafarmar á dag. Því miður eru niðurgreiðslurnar smáaurar samanborið við það sem myndi kosta að flytja mjólkina hingað með flugi þannig að spurning Axels um það hvar eigi að fá aur fyrir mjólkinni á fullan rétt á sér og er ósvöruð enn sem komið er. 

[Sigurður Baldursson, 12.2.2012 kl. 20:57]

Mikið ertu málefnalegur Axel. Ef að einhver kúabóndi  bendir á þá staðreynd að það megi ná fram hagræðingu með því að rækta hér annað kúakyn , þá er náttúrulega um að gera að gera lítið úr því og skítas yfir alla bændur landsins.  Þú ert vonandi það mikill maður að gjörfuleika að þú hafir efni á því.

[Valgeir (IP-tala skráð) 12.2.2012 kl. 21:55]

Sæll Kristján, þú segir að niðurgreiðslurnar séu smáaurar miðað við eitthvað... Segðu okkur frekar hversu háar niðurgreiðslurnar eru. Á Íslandi er innflutt grænmeti oft ódýrara en það sem hægt er að kaupa óinnflutt erlendis. Og ég gleymi því ekki þegar Krónan bauð uppá tyrknest vatn, flutt í gegnum danskt fyrirtæki, á vegum íslensks umboðsaðila. Það vatn var ódýrara en það íslenska, sem rennur úr krana hvers og eins.

Mjólk er alls ekki svo skammlíf (þrjár vikur er venjulegt, miðað við 6-8 gráður í kæliskáp).

Jón Logi: Þú ert líklega sá síðasti til að fatta að íslenska mjólkin er hvorki betri né hreinni en mjólk sem er á boðstólum í öðrum löndum. Ekki íslenska vatnið heldur. Ekki neitt. Þú ert fórnarlamb áratugalangs áróðurstríðs fjölmiðla og forseta sem hafa haldið slíku fram.  En annars var innlegg þitt fróðlegt og gott.

[Jón Logi (IP-tala skráð) 14.2.2012 kl. 12:04]

Smá fræðslupistill handa þér Valgeir, svo að ÞÚ fattir eitthvað. Þekking er mikilvæg, og ég var ekki að skjóta úr tómri kanónu.

ca. 1991 tóku samtök mjólkuriðnaðarins sig fram og skoðuðu þá staðhæfingu, hvort íslensk mjólk væri betri en annars staðar, og þá á hvaða hátt.

Aðferðin var að safna sýnum úr öllu samsulli mjólkur allra samlaga, og senda utan í greiningu. Til Belgíu ef ég man rétt.

Í stuttu máli, þá vorum við á pari við aðra hvað varðaði gerlamagn, heldur undir báru hvað varðar frumutal.

En....þegar kom að hreinleika, þá var sagan önnur. Þá er annars vegar verið að tala um aðskotaefni, s.s. ryk, skordýr(aleifar), þvottaefnisleifar og slíkt. Hins vegar þungmálma, plastefni og svoleiðis nokk.

Niðurstaðan sú var að í heildina var íslenska mjólkin sú "hreinasta" í Evrópu, og þurfti að leita til sýna frá Tíbet til að finna eitthvað betra.

Ég veit ekki hvaða heimildir þú hefur um þetta, en sjálfur sat ég fund þar sem niðurstöðurnar voru kynntar.

Íslenska vatnið er reyndar mjög hreint, - fer eftir vatnsbólum. Um það liggja tölur alveg klárar. Hins vegar er það jafnan steinefnasnautt. Frá vatnsveitunni hvar ég bý, er kranavatnið talið hreinna en það sem þú færð á flöskum þótt innflutt sé.

Þess má geta, að vatnsgæði eru könnuð árlega á öllum kúabúum landsins, og að mjólkuriðnaðurinn er í stöðugu sambandi og samanburði við starfsbræður sína í Evrópu. (Sérstaklega Evrópu, enda eru allir sérfræðingar mjólkuriðnaðarins menntaðir þar í hinum ýmsustu ríkjum)

"Niðurgreiðslurnar" á mjólk eru í raun niðurgreiðsla á verði til neytenda, og fer hérlendis á hvern lítra mjólkur. Þær eru ca 50 kr á líter, en kerfið er að brotna upp í átt til þess sem tíðkast í Evrópu, s.s. styrkur á grip og styrkur á akuryrkju.

Þar sem ég vann nú í Evrópu, þá get ég fullyrt það, að þeirra vörur eru meira niðurgreiddar en okkar, en okkar kerfi er hins vegar gagnsærra. Í Evrópu eru engar greiðslur pr. líter, þannig að það er nær engin leið að mæla neitt að viti á eininguna. Greiðslur á gripi, ræktun og land eru hins vegar all-hressilegar, og ég dauð-öfundaði bændurnar þar fyrir þetta svo og ræktunarskilyrðin. Enda eru landbúnaðarmál stærsti útgjaldaliður ESB.

Mjólk t.d. í Þýskalandi fer sjaldnast niður fyrir Evru, það ódýrasta sem ég hef séð eru 0.69. Mjólk í okkar klassa heitir þar "Alpenmilch" og stóð í ca. 3 evrum síðast er ég fór í verslun í Þýskalandi.

Þetta er verðbil upp á 112 - 484 kr eða svo, en síðast þegar ég keypti hér var verðið 112, hahaha.

En hvað um það, - höfuðatriðið var kúakynið, og útskipting bændanna, ekki rétt?

Jæja, segjum að íslenskir bændur vilji skipta úr dráttarhestum yfir í traktora. Þá kemmur einhver besser, og telur að betra sé að flytja inn nýja hestamenn.

Duhh!

[Valgeir (IP-tala skráð) 18.2.2012 kl. 18:44]

Sæll Jón Logi, takk fyrir góða og greinargóða fræðslugrein.

Þó ég sé sammála þér í flestu sem þú skrifar, finnst mér einungis að eitt atriði fái of litla athygli: Eftirlitið.

Þú gengur út frá því sem vísu að eftirlit og sýnataka osfrv. hafi verið gott. Ég er þar varfærnari, og minni á að áður en loftsýni voru tekin í Reykjavík var Reykjavík hreinasta borg í heimi.

Bestu kveðjur.