Undarleg fréttamennska

Bæði í kvöldfréttum RUV og Stöðvar 2 gerðu fréttamenn mikið úr  „hetjuskap“ Geirs H. Haarde, eins og það var orðað, þegar Geir, drjúgur með sig, fagnaði því í Landsdómi í dag að vera mættur fyrir dóminn, því þetta væri fyrsta tækifæri hans til að útskýra málin!

Það virðist hafa farið framhjá báðum fréttastofunum að síðan ákæran var birt Geir, hefur hann sjálfur og lögmaður hans ólmast og andskotast og neitt allra bragða til að ónýta málið eða fá því vísað frá.

Aukinheldur hefur allur þingflokkur Sjálfstæðisflokksins í heild sinni gert hvað hann gat til að stöðva málið. Ekki þarf  heldur að efast um að öll áróðurs og baktjaldamaskína flokksins hefur unnið baki brotnu að sama markmiði.

Það er öll helvítis gleðin og fögnuðurinn að mæta fyrir dóminn! Þvílík helvítis hræsni og bull! 

Yfirheyrslu yfir Geir lokið

Athugasemdir

[Marteinn Sigurþór Arilíusson, 5.3.2012 kl. 20:13]

Róaðu þig maður.

[Þorsteinn H. Gunnarsson, 5.3.2012 kl. 21:19]

Hann vissi ekki um stofnun Icesave eftir því sem fram hefur komið.

Þá virðist hann hafa verið frekar trúgjarn og lítið gert af því að láta forsætisráðuneytið leggja sjálfstætt mat á stöðuna á hverjum tíma.

Svo var rætt um efnahagsmál undir liðnum, Önnur mál og fátt bókað.

[hilmar jónsson, 5.3.2012 kl. 21:21]

Þetta er alveg rétt hjá Axel.

Það er einkennilegt og neyðarlegt að hafa birst þjóðinni sem vælandi píslarvottur, og síðan fagna tækifærinu.

Þetta er bara enn ein staðfestingin á því að maðurinn er óralangt frá því að vera í lagi.

[Anna Sigríður Guðmundsdóttir, 5.3.2012 kl. 21:28]

Axel Jóhann. Nú er komið að svikaflokks-foringjunum að tjá sig um hverjir stjórnuðu þeim, og BANKASTJÓRUNUM/LÍFEYRIS-SJÓÐSSTJÓRUNUM sem stjórnað var á Íslandi, í umboði EES.

Hengjum alla eða engan.

Rökræður á opnum og heiðarlegum grunni er eina leiðin. Sumir eru ennþá á því van-þroskastigi að halda að stríðandi fylkingar í pólitíkinni sé lausn að fríði og réttlæti?

Það er ári 2012, kæra fólk, og okkur er sagt að við séum siðmenntuð og þroskuð?

Erum við það í raun?

M.b.kv. 

[Axel Jóhann Hallgrímsson, 5.3.2012 kl. 21:41]

Það er engu líkara en Geir hafi forðast upplýsingar, og hann virðist ekki hafa innt fulltrúa sína sem fóru á hina og þessa fundi hvað þar gerðist.

Ríkisstjórnin virðast hafa verið í tíð Geirs einskonar saumaklúbbur þar sem skrafað var um allt og ekkert en stjórn landsins verið úti á túni.

[Axel Jóhann Hallgrímsson, 5.3.2012 kl. 21:51]

Anna, fyrir rétti er núna pólverji sem tók þátt í úraráninu nýverið. Félagar hans sluppu úr landi og fást ekki framseldir.

Á, af því að ekki náðist í alla bófana, að sleppa þessum eina sem náðist við viðeigandi refsingu? Allir eða enginn sem sagt?

[Ragnar Gunnlaugsson, 5.3.2012 kl. 21:51]

Ekki hissa að vinstrimenn séu úrillir þessa daganna eitt áfall á dag kemur ekki skapinu í lag.

[hilmar jónsson, 5.3.2012 kl. 21:53]

Annars hálfgerður brandari að fréttakonan, Jóhanna Vigdís skuli valin til frásagnar frá Landsdómsmálinu.

Það lekur alltaf af henni hlutdrægnin þegar Sjálfstæðisflokkurinn er til umfjöllunnar .

[Axel Jóhann Hallgrímsson, 5.3.2012 kl. 21:56]

Ég vil nú ekki ganga svo langt Ragnar, að kalla það áfall að Geir sé fyrir Landsdómi. En hvað finnst þér?

[Axel Jóhann Hallgrímsson, 5.3.2012 kl. 21:57]

Marteinn, fyrirgefðu ég gleymdi þér. Ég er fullkomlega rólegur, þú myndir ekki vilja sjá mig æstan, trúðu mér.

[Axel Jóhann Hallgrímsson, 5.3.2012 kl. 22:04]

Jóhanna kom þessum meinta hetjuskap Geirs líka til skila í Kastljósinu, Hilmar.