Var nefið á Sigurði Einarssyni mælt fyrir og eftir vitnisburð hans?

Fyrir alla venjulega menn væri það eflaust afar auðmýkjandi að vera, einir vitna, krafðir eiðs  fyrir vitnisburði sínum fyrir rétti.

En það á örugglega ekki við Sigurð Einarsson, sem var í Landsdómi í dag krafin eiðs, af  verjanda Geirs H. Haarde. Sigurður kaus að sverja ekki eið, heldur vinna drengskaparheit að vitnisburði sínum fyrir dóminum í dag.

Ef eitthvað er hæft í því sem sagt hefur verið síðustu misserin um Sigurð Einarsson og þeim sökum og ávirðingum sem á hann eru bornar, á hann hvorki til samvisku eða drengskap.

Það er því hæpið að drengskaparheit Sigurðar Kaupahéðins Einarssonar skjóti nokkrum stoðum undir sannleiksgildi vitnisburðar hans, nema síður sé. 

Kíkið á könnunina hér til vinstri!

Athugasemdir

[DoctorE (IP-tala skráð) 12.3.2012 kl. 14:56]

Sverðu til Gudda að blah blah.. Tíu putta upp til Gudda.. ha.. Nauts en ég sver upp á drengskap minn.. Sirkus fáránleikans

[Axel Jóhann Hallgrímsson, 12.3.2012 kl. 15:05]

Ég t.d. gæti ekki, ætlaði ég að vera ærlegur, svarið við nafn Guðs fyrir dómi að ég ætlaði að segja sannleikann.

Slíkur svardagi væri marklaus, því ég trúi ekki á Guð, ég gæti allt eins svarið við Allah eða stokka og steina.

Ég væntanlega myndi því kjósa að leggja framburðinn við drengskap minn. En ef ég er gersamlega samvisku- og drengsskaparlaus, er þá slík yfirlýsing einhvers virði, lagalega séð?

[Axel Jóhann Hallgrímsson, 12.3.2012 kl. 15:15]

Varðandi forsetakönnunina hér til vinstri þá eru allir keppendur lagðir af stað nema Súpermann, Elín Hirst og Jón Lárusson. Fyrirgefið, sem og Ástþór Magnússon auðvitað, sem kann best við sig á byrjunarreitnum og hreyfir sig lítt þaðan, venju samkvæmt.

Keppendur eru mislangt á veg komnir, fremstur fer núna Ari Trausti og á hæla honum koma hnífjafnir Jón Valur og Ólafur Ragnar.

Þeir keppendur aðrir sem yfirgefið hafa rásmarkið koma á eftir í einum hnapp.

[Axel Jóhann Hallgrímsson, 12.3.2012 kl. 15:31]

Það er athyglisvert að því að Útvarp Saga mun hafa hoppað á þessa könnun mína og gert að sinni.

Hún er frekar rýr í roðinu að venju þessi útvarpsstöð Arnþrúðar, hver nærist á hatri og illmælgi.

[Axel Jóhann Hallgrímsson, 12.3.2012 kl. 15:34]

Nú er ég að verða eins og Jón Valur, ég kommenta í gríð og erg á eigin færslur. Er til meðal eða mestalín við þessum kvilla? Veit það einhver?