Olíufélögin sýknuð, því of margir rannsökuðu glæpinn

Þessi niðurstaða Héraðsdóms er með ólíkindum. Dómurinn lýsir olíufélögin sek um verðsamráð en sýknar þau samt.

Forsendan sem dómurinn gefur sér fyrir þessari fráleitu niðurstöðu er að lögreglan hafi verið að rannsaka glæpi olíufélaganna á sama tíma og Samkeppnisráð. Dómurinn telur það brot á réttindum glæpamanna að tveir aðilar rannsaki sama glæpinn.

Glæpurinn var því að mati dómsins of rannsakaður, rannsóknir á glæpum eiga vera einfaldar og fámennar á Íslandi til að ganga ekki um of á réttindi glæpamanna.

Niðurstaða Héraðsdóms hljómar meira sem yfirlýsing frá LÍG -Landssamband Íslenskra Gangstera-  en dómi yfir félagsmönnum þeirra sömu samtaka. 

.

.

Er komin tími á húsbóndaskipti á Bessastöðum, eða ekki? Kíkið á könnunina hér til vinstri!

Ríkið greiði olíufélögum til baka

Athugasemdir

[Kristján Jón Blöndal (IP-tala skráð) 22.3.2012 kl. 13:05]

Maður er nú orðinn alveg orðlaus yfir því hvernig þetta réttarkerfi er orðið,en nú fer þetta til Hæstarréttar,það verður spennandi að sjá hvað þeir eru að hugsa þar...!

[Axel Jóhann Hallgrímsson, 22.3.2012 kl. 13:10]

Maður hrekkur enn við Kristján, þó ég sé löngu hættur að verða hissa á svona útkomu. Hæstiréttur er hann ekki innmúraður í LÍG og önnur slík hagsmunasamtök?

[Hjördís Vilhjálmsdóttir, 22.3.2012 kl. 13:37]

Málið hófst 1997 með kvörtun Neytendasamtakana. 15 árum síðar; sýkna og skaðabætur á okkur. Kannski að við ættum bara að viðurkenna ósigur á öll stór fyrirtæki í landinu og láta eiga sig frá byrjun að rannsaka þau ? Ætli þetta fari eins með rannsókn á hruninu; sýkna eftir 15 ár ?

[Axel Jóhann Hallgrímsson, 22.3.2012 kl. 13:57]

Hjördís, kannski er þetta vindmyllubardagi og tímaeyðslan ein.

[DoctorE (IP-tala skráð) 22.3.2012 kl. 14:09]

Comon gæs, þið borgið og haldið kjafti ;)

[Quinteiras (IP-tala skráð) 22.3.2012 kl. 17:44]

Það er með ólíkindum hve ákæruvaldinu er ósýnt um að útbúa málsskjöld og sakarefni í þann búning, að haldi fyrir dómstólum og nægi til efnislegrar málsmeðferðar. Nú má hafa ýmsar getgátur uppi, en mann uggir að það verði ekki málum til framdráttar að t.d. forstjóri FME, sem var rekinn með skömm fyrir aldeilis óskaplegan dómgreindarbrest, hafi vélað um þau.

[Axel Jóhann Hallgrímsson, 22.3.2012 kl. 17:55]

Glæponar eru gómaðir fyrir afbrot og ákærðir - en sýknaðir af því að andmælaréttur þeirra var ekki virtur! Andmælaréttur glæpamanna? Halló!

Komum við til með að horfa upp á það að handtökum á mönnum sem staðnir eru að verki við afbrot verði að fresta meðan þeir taka saman andmælaskýrslu? Hvaða helvítis bull er þetta?

[Óskar Arnórsson, 22.3.2012 kl. 18:45]

Sekt eða sakleysi skiptir nákvæmlega engu máli þegar um svona upphæðir eru að ræða. og þegar um svona stór félög eru að ákveða eitthvað.

Annars er könnuninn sniðug þarna til vinstri. Superman virðist vera eini kosturinn ef ÓRG heldur ekki áfram...