Litli Samherjastrákurinn grillaður í eigin feiti

Landsmenn bíða með öndina í hálsinum eftir tilfinningaþrungnum pistlum frá Hannesi Hólmsteini og  Birni Bjarnasyni, hvar þeir munu fara hamförum, og krefjast þess allir vondu vinstri óþekktarormarnir hjá Kastljósi RUV verði reknir, og það ekki seinna en í fyrra.

Þeir munu segja okkur að vondu vinstri Kastljósormarnir séu, algerlega að ástæðulausu og af illgirni einni,  að reyna að eyðileggja og koma í veg fyrir að góðir og þægir hægri krakkar geti grætt á daginn og grillað á kvöldin.

Og þeir munu segja okkur að það gangi auðvitað ekki að RUV, þessi sameign þjóðarinnar, sé að stuðla að því að góðir og gegnir styrkveitendur Flokksins séu áreittir við þá sakleysislegu og sjálfsögðu iðju að hámarka sinn gróða sinn hvað best þeir geta.

Og að það sé auk þess algert smáatriði þó þjóðfélagið og sjómenn, starfsmenn Samherja, borgi grillveisluna, þó svo að þeim sé svo meinuð þátttaka í þeirri sömu veislu.

Talin hafa selt afurðir á undirverði

Athugasemdir

[hilmar jónsson, 27.3.2012 kl. 21:35]

Já þess verður varla langt að bíða.

Annars er Björn búinn að gera sig svo rækilega að fífli í dag og í gær að hann er vitlausari en maður hefði haldið ef hann heldur áfram.

Um Hannes gegnir öðru máli. Hann er forritaður með gömlu úr sér gengnu forriti ( fást ekki lengur ) og því engu hægt að breyta þar.

[Sveinn R. Pálsson, 27.3.2012 kl. 22:18]

Vonum að hann verði grillaður vel og lengi.

[Kristján Hilmarsson, 27.3.2012 kl. 23:43]

"Grætt á daginn og grillað á kvöldin" góður þessi Axel !

Kannski betra "Grætt á daginn og grillað(ur) á kvöldin"

En þetta er bara gott að svona sé velt upp og skoðað, er því miður ræddur um að ekki verði komið neinum refsingum að hér, því þetta er frekar umhverfið og rangt kerfi sem skapar svona aðstæður, aðstæður sem barnalegt er að ætla bisnissmönnum að láta vera að nýta sér.

Þetta er því miður líklega aðeins toppurinn á ísjakanum, það rennur óhemjufé úr landi ennþá, eins og gerði á "gróðárunum" fram að hruni, það sem er dapurt núna er að, núna eru þetta alvöru peningar, ekki uppskáldaðir pappírspeningar eins og mestur parturinn var hjá útrásarvíkingunum.

En já ! í stað þess að taka á öllu þessu sjúka kerfi og "sírennsli" peninga úr landi og burt frá sameignum landsmanna, þá endar þetta örugglega allt í skítkasti og væli eins og þú spáir Axel, en þá koma fleiri að en þú nefndir og "kyrja" með og það úr báðum búðum.

MBKV

KH