Grágæsin TF-SLN

Uppáhalds fugl Blönduósinga, Grágæsin SLN, er komin heim og Blönduósingar að vonum kátir og segjast mjög elskir að fuglinum.

Ég verð að viðurkenna að mér finnst það lítil elska til fuglsins að láta hann þvælast með þennan líka ekki smá hólk um hálsinn í 12 ár. Gæsinni, sem eflaust er löngu orðin fiðurlaus undir merkinu, getur ekki annað en verið ami af merkinu, ef marka má myndina.

Af stærð merkisins mætti ætla að það sé hannað til að sjóndaprir og jafnvel blindir þekki gæsina af löngu færi.

Myndina má stækka með því að tvísmella á hana.

 

 

Eftirlætisgæs Blönduósinga komin til landsins

Athugasemdir

[Jóhannes B Pétursson, 26.4.2012 kl. 14:42]

Sæll Axel

Get ekki verið meira sammála þér að finnast merkið dálítið groddaralegt.

Gátu þeir ekki litamerkt löppina t.d. með lituðum plast hringmerkjum ?

Kanski hafa þeir merkið svona stórt svo þeir skjóti hana ekki óvart sem er náttúrulega bara hið besta mál :-)

EF fuglinn hafi fyrst verið merktur 2000 þá er um 12 ár frá því fuglinn var merktur fyrst ekki rétt.

Ef hún er mjög heppin þá getur gæs orðið 23 ára svo vonandi á hún nokkur góð ár eftir.

En henni finnst gott að búa á Blöndósi enda flottur staður.

http://visindavefur.hi.is/svar.php?id=5025

Kveðja

Jóhannes

[Axel Jóhann Hallgrímsson, 26.4.2012 kl. 15:05]

Takk fyrir ábendinguna Jóhannes, um merkingarár gæsarinnar. Ég var með annað ártal í huga, sem ég hélt mig hafa séð annarstaðar. Ég kannaði þá heimild betur og þetta var misminni hjá mér. Ég hef leiðrétt færsluna.

[Helgi (IP-tala skráð) 26.4.2012 kl. 21:32]

Sæll.

Ég er sammála þér AJH, merkið er ansi groddaralegt og hlýtur eiginlega að þvælast fyrir aumingja dýrinu.