Anna Kristín laug

Anna Kristín Ólafsdóttir höfðaði mál á grundvelli jafnréttislaga, þegar henni þótti á sér brotið, þegar hún var ekki þeim lögum samkvæmt tekin fram yfir hæfari eða jafn hæfa umsækjendur. Anna hefur á grundvelli þessara forréttindalaga unnið sitt mál, eðlilega, því að lögum skal fara.

En svo kemur Anna Kristín fram í fjölmiðlum og lýsir hróðug yfir sigri, belgir sig sem hæna á haug,  og segir Jóhönnu Sigurðardóttur ljúga því að ráðuneytið hafi reynt að fara sáttaleiðina. Anna segir að Jóhanna og ríkið hafi aldrei boðið sættir eða reynt að fara sáttaleiðina.

Ekki er að sökum að spyrja, bloggheimur reis með það sama upp á afturlappirnar og hellir yfir forsætisráðherrann óbótum og skömmum fyrir hina meintu lygi og spara ekki stóru orðin og fúkyrðin.

Nú hefur dúkkað upp bréf frá ríkislögmanni til lögmanns Önnu hvar óskað er eftir sáttafundi til að finna lausn og ná sáttum.

Bréfið sannar að Anna Kristín laug. Nú hljóta þessir sömu bloggarar, sem ekki þola lygi og misgjörðir, að segja Önnu Kristínu skoðun sína á henni – umbúðalaust!  

Vonandi lærir Jóhanna Sigurðardóttir og aðrir femínistar það á þessu rugli öllu að lagasetning sem veitir einum forgang umfram aðra með þeim rökum að slíkt auki jöfnuð, getur ekki annað en borið í sér feigðina.

Bauð fram sátt

Athugasemdir

[Óskar Helgi Helgason (IP-tala skráð) 22.6.2012 kl. 11:43]

Heill og sæll Axel Jóhann; æfinlega !

Burt séð; frá þessum Stjórnarráðs skandölum.

Jóhanna Sigurðardóttir; þiggjandi á 3. Hundraða þúsunda Króna, ofan á ofurlaunin, sem fyrir voru, í hennar ranni - er svona álíka geðfelld, og þeir Keflavíkur gróðasnatar : Geirmundur / Jónmundur, og Steinþór.

Það er einfaldlega; ekkert siðferði til - né siðgæði, innan skeljanna, á þessum andstyggðar persónum, öllum !

Og; reyndu ekki, að fegra málstað NEINS gróðahyggjumanns, því viðkomandi hafi fínan titil að skreyta sig með - eða ''réttan'' FLOKKS lit, fornvinur góður.

Það er ENGINN munur; á þessu fólki - hverju og sér, Axel minn.

Á meðan; sumir samlanda okkar, þurfa að gramsa í ruslatunnum, efir matarleifum, réttlætir EKKERT, lausagöngu : Jóhönnu, og þremenning anna, vina þeirra Steingríms - auk FJÖLDA annarra, viðbjóðslegra persóna, í okkar ört hrörnandi samfélagi !!!

Okkur var jú kennt; í okkar uppeldi, að vera okkur sjálfum samkvæmir - hygg það sama hafa gilt, norður á Skaga - ekki síður; en heima á Stokkseyri forðum, Axel minn. 

Með beztu kveðjum; sem oftar - vestur yfir Fjallgarð /       

[Axel Jóhann Hallgrímsson, 22.6.2012 kl. 12:31]

Ég hélt að ég hefði einmitt gagnrýnt Jóhönnu í þessari færslu.

[Óskar Helgi Helgason (IP-tala skráð) 22.6.2012 kl. 12:40]

Heill; á ný !

Jú; mikið rétt, og þakka þér fyrir, Skagstrendingur knái.

Með; hinum sömu kveðjum - sem fyrri / 

[Bergljót Gunnarsdóttir, 23.6.2012 kl. 01:41]

Heill Axel, og ævinlega sæll!

Jöfnuður næst aldrei með lagasetningum. Jöfnuður næst með hugarfars - samræmingu allrar þjóðarinnar. Því miður virðist þetta fjarlægt markmið, en líklega ekki óvinnandi, þó á brattann sé að sækja.

Ávarpið hér að ofan er undir sterkum áhrifum frá Óskari Helga. Hann á til heilan haug af kveðjum í þjóðlegum stíl, sem koma margar skemmtilega beint  að efninu. Sérstaklega finnst mér gaman að lesa það sem hann sendir þeim sem eru ósammála honum um hin ýmsu málefni. Þetta allt gefur fallegan lit í flóruna hérna á Moggablogginu.

Hafðu þökk Óskar Helgi.

[Axel Jóhann Hallgrímsson, 23.6.2012 kl. 07:40]

Sæl Bergljót, já það væri synd að segja að Óskar gæti ekki að orðað hlutina á kjanyrtri íslensku.