Skítlega eðlið

Vaxandi stuðningur við ríkisstjórn Samfylkingar og Vinstri grænna kemur ekki á óvart. Það streyma inn upplýsingar og hagtölur sem segja frá afgerandi bata í efnahag landsins, minnkandi atvinnuleysi og auknum fjárfestingum.

Þetta eru upplýsingar og tölur sem stjórnarandstaðan, Íhaldið og Framsókn vonuðust til að bærust ekki eyrum og augum landsmanna fyrr en eftir næstu kosningar. Svo þeir, sem nýir stjórnarherrar gætu tilkynnt þær sem sín verk og eignað sér þannig glæsilegan árangur núverandi ríkisstjórnar.

Nákvæmlega eins og Davíð nokkur Oddson gerði þegar hann, eignaði sér persónulega niðurbrot langvarandi  óðaverðbólgu, þegar Viðeyjarstjórnin hans  tók við af ríkisstjórn Steingríms Hermannssonar 30. Apríl 1991.

Stjórn Steingríms skilaði verðbólgu upp á 4 %, rétt nógu tímalega fyrir stjórnarskiptin, til að Davíð tækist að stela heiðrinum af því í augum almennings, sem hann gerði svikalaust.

Íslenska Íhaldið hefur aldrei stundað ærlega og heiðarlega pólitík og mun aldrei gera, ótrúlegt hvað margir láta glepjast af fagurgalanum.

Stjórnarflokkarnir bæta örlítið við sig

Athugasemdir

[Haukur Kristinsson (IP-tala skráð) 3.7.2012 kl. 21:22]

".......ótrúlegt hvað margir láta glepjast."

Já, þú segir nokkuð Axel Jóhann.

En þessi hópur samfélagsins hefur aldrei skarað fram úr vegna lærdóms né gáfnafars.

[Anna Sigríður Guðmundsdóttir, 3.7.2012 kl. 21:38]

Púsluspila-blekkingar Gallup halda áfram að stjórna skoðunum íslandsbúa. Þessi Galla-up(p)-spuni=Gallup, er nýbúinn að stjórna niðurstöðu í forsetakosningunum.

Og áfram skal haldið á svika-blekkingarbrautinni. Allt í boði blekkingarfjölmiðla, á kostnað almennings.

M.b.kv.

[Axel Jóhann Hallgrímsson, 3.7.2012 kl. 22:05]

Ég held að það sé ekki tilgangur Gallup að blekkja eða afvegaleiða kjósendur Anna.

En hitt er annað mál að skoðanakannanir geta verið giska skoðanamyndandi, ekki hvað síst fast ofan í kosningum.

Mín skoðun er að skoðanakannanir eigi ekki að vera heimilar innan viku fyrir kosningar.

[Axel Jóhann Hallgrímsson, 3.7.2012 kl. 22:09]

Haukur, ég hef aldrei skilið það verkafólk, sem kosningar eftir kosningar reytir hrísinn í vönd Íhaldsins, sem það er svo flengt með.

[Geir Ágústsson, 3.7.2012 kl. 22:10]

"Vaxandi stuðningur" í umhverfi "efnahagsbata", er það virkilega túlkun bloggara á 31% fylgi stjórnarflokkanna?

[Axel Jóhann Hallgrímsson, 3.7.2012 kl. 22:13]

..segir maðurinn sem væntanlega hefur fæðst fullvaxinn!

[Haukur Kristinsson (IP-tala skráð) 3.7.2012 kl. 22:37]

Fræg er för sunnlenskra bænda til Reykjavíkur frá heyönnum í brakandi þurrki til að mótmæla tilkomu símans. Þessi bændaskömm kemur upp í hugann við flutning sjómanna nýlega á Austurvöll, til að mótmæla því að þjóðin fái sinn hlut af auðlindarentunni. Og fyrir vikið fengu sjómenn víst einn frían bjór frá LÍÚ, það var nú víst allt og sumt. Já einmitt, vöndurinn.

[Axel Jóhann Hallgrímsson, 3.7.2012 kl. 22:45]

Nákvæmlega Haukur!