Hörð samkeppni eða grímulaust samráð

Bankarnir streða við að telja fólki trú um að á milli þeirra ríki hatröm samkeppni og að þar sé hvergi gefið eftir.

Bankarnir munu eflaust halda því fram að þessi hraðbanka gjaldtaka sé dæmi um samkeppnina og að það sé alger tilviljun að bankarnir hafi allir tekið gjaldtökuna upp sama daginn.

Samráð er það fyrsta og eina sem almenningi dettur í hug.

Er samráð ekki bannað?

Rukkað fyrir þjónustu hraðbanka

Athugasemdir

[Ásthildur Cesil Þórðardóttir, 16.10.2012 kl. 12:03]

Það á að vera það, en því miður virðist engum reglum vera fylgt eftir í dag.

[Axel Jóhann Hallgrímsson, 16.10.2012 kl. 12:13]

Hvernig á annað að vera, er ekki enn sama fólkið í bönkunum og dansaði hvað ákafast í kringum gullkálfinn á mektardögum græðginnar?

[Ingibjörg Axelma Axelsdóttir, 16.10.2012 kl. 12:29]

Ég á afskaplega bágt með að trúa því að þetta sé eitthvað nýtt af nálinni.

Þykist muna eftir svona gjaldtöku frá því að ég fékk mitt fyrsta debetkort. Það eru komin alveg 10 ár síðan.

[Axel Jóhann Hallgrímsson, 16.10.2012 kl. 12:46]

Inga, það hefur lengi verið tekið svokallað færslugjald á hverja notkun debetkorta. En fram að þessu hefur notkun hraðbankanna verið gjaldfrí.

[Guðmundur (IP-tala skráð) 16.10.2012 kl. 14:57]

En er leifilegt að rukka falin gjöld? Ég hélt nú að búðir væru sektaðar um 200 000 kall fyrir að gefa upp rangt verð. En hvergi stendur á hraðbönkum að þeir kosti. Gjaldtakan byrjaði auglýsingalaust, er þetta ekki að brjóta neytenda lög líka?

[Axel Jóhann Hallgrímsson, 16.10.2012 kl. 15:35]

Góð ábending Guðmundur!

[Marta B Helgadóttir, 16.10.2012 kl. 16:44]

Maður getur spurt sig af hverju og hvernig það tók tvær heilar vikur fyrir þessa frétt að rata í fjölmiðla.

[Axel Jóhann Hallgrímsson, 16.10.2012 kl. 17:26]

Já segðu!

[Sara (IP-tala skráð) 16.10.2012 kl. 20:28]

Reyndar hófst gjaldtaka bankanna ekki á sama degi.

Í fréttinni kemur fram að Íslandsbanki hafi byrjað að rukka 1.okt. síðastliðinn, en ég veit að Landsbankinn mun byrja að taka gjaldið 22.okt.

[Ingibjörg Axelma Axelsdóttir, 16.10.2012 kl. 20:39]

Ég var ekki að tala um færslugjöldin.

Ég nota aldrei hraðbanka nema hjá þeim banka sem ég versla við, vegna þess að mér hefur verið margbent á að bankar rukki viðskiptavini samkeppnisaðila fyrir notkun. Og þá af starfsfólki bankanna.

[Sigurður Haraldsson, 17.10.2012 kl. 00:14]

Héðan í frá mun ég aldrei nota hraðbanka!