Léttur húmor í svartnættinu

Það vakti athygli og rataði í fréttir í gær að verjandi eins sakbornings í stóra ofbeldismálinu dottaði í réttarsalnum.  Vinnufélagar lögfræðingsins hrekktu félaga sinn ansi skemmtilega þegar hann mætti til vinnu í morgun og hans beið uppbúið „rúm“ á skrifborðinu hans, segir í frétt á Vísi.is.

Lögfræðingurinn, sem hefur greinilega húmor fyrir sjálfum sér, fullkomnaði hrekkinn með því að fá sér kríu á skrifborðinu. Það er gott að hægt sé að sjá eitthvað jákvætt í tengslum við þetta skelfilega mál.

Þeir eru ekki öfundsverðir af sínu hlutskipti lögfræðingarnir, verjuendur þessara hrotta. Það þarf sterk bein til að fá svona viðbjóð í fangið og skaðast hreinlega ekki á sálinni.

  

Verjandi sofnaði við málflutning

Athugasemdir

[Ásthildur Cesil Þórðardóttir, 23.11.2012 kl. 20:58]

Sammála, þetta er bara skemmtilegt og allir hafa tekið þessu vel og létt, einmitt eins og á að gerast í svona tilfellum.

[HF (IP-tala skráð) 24.11.2012 kl. 08:21]

Lögmennirnir hafa gert þetta oft áður, þarna er ákært fyrir greinar í hegningarlögum sem lögmennirnir hafa ótal sinnum fjallað um í verjendastörfum sínum. Ekkert sérstakt við þetta, nema kannski fáeinar skyrpingar og smástælar í strákunum til að byrja með. Það þarf því ekkert sterkari bein í þetta mál en hvert annað opinbert mál.

[Axel Jóhann Hallgrímsson, 24.11.2012 kl. 08:49]

Ég er kannski svona mikil kveif HF, en mér væri ekki rótt, væri ég lögfræðingur, að þurfa að leggja mig allan fram við að fá óþverra af því kaliberi sem hér um ræðir sýknaðan, vitandi að hann væri sekari en andskotinn.