Í hverju liggur munurinn?

Jose Manuel Barroso, forseti framkvæmdastjórnar ESB gerði ástandið í Sýrlandi að umtalsefni í þakkarræðu sinni þegar hann, f.h. ESB, tók á móti einhverri umdeildustu verðlaunaveitingu síðari tíma.

Barrosso sagði ástandið í Sýrlandi „svartan blett á samvisku heimsins“. En þar hafa staðið yfir innanlandsátök í 21 mánuð. Barrosso sagði alþjóðasamfélagið bera skyldu til að taka á því. Barrosso minntist hinsvegar ekkert á að þarna "á næsta bæ"  er annar kolsvartur blettur á samvisku heimsins.

Þar hafa átök, kúgun, landrán, morð og stríðsglæpir verið framdir linnulítið í áratugi. Hvenær ætli Barrosso og Evrópusambandinu, handhafa friðarverðlauna Nóbels, þyki tími vera kominn til að alþjóðasamfélagið taki á því?

Sýrland „blettur“ á samvisku heimsins

Athugasemdir

[Hans Haraldsson (IP-tala skráð) 10.12.2012 kl. 15:33]

Munurinn liggur meðal annars í því að mannfallið í yfirstandandi borgarastríði í Sýrlandi er þegar orðið a.m.k tvöfalt meira en samanlagt mannfall Ísraelsmanna og Palestínumanna í öllum átökum þeirra frá 1948.

Einnig í Því að mannréttindaástandið var mun verra í Sýrlandi en á Vesturbakkanum og Gaza áður en átökin hófust og lífskjör almennt töluvert verri líka.

Áhugi meintra mannvina hér á Íslandi á þjáningum í m-austurlöndum virðist yfirleitt vera fremur takmarkaður ef atvik málanna bjóða ekki upp á einhverja mannréttindadulu sem þeir geta kastað yfir sig á meðan þeir lýsa andúð sinni á gyðingasamsærum og líkja zíonistum við nasista.

[Axel Jóhann Hallgrímsson, 10.12.2012 kl. 20:27]

Veistu hver manndrápskvótinn er hjá Evrópusambandinu Hans?  Er unnið út frá heildarmagni eða er það viss margir á viku?

Hvenær er mælirinn fullur? Svo er það spurningin, er sama hver drepur hvern?