Viðskiptasnilld aldarinnar

Orkuveita Reykjavíkur áformar að selja höfuðstöðvar sínar ónafn- greindum kaupanda og leigja þær svo af honum til tuttugu ára.

Við lok leigusamningsins mun Orkuveitan eiga kauprétt að eigninni. Þá verður Orkuveitan búin að greiða tvöfalt söluverðið  í leigu og reiðir svo fram kaupverðið í þriðja sinn til að eignast húsið. Er þetta ekki tær snilld?

Þetta er sama trixið og viðskiptamódelið sem Alfreð Þorsteinsson notaði þegar hann seldi Finni Ingólfssyni Framsóknarbróður sínum alla orkumæla Orkuveitunnar, til þess eins að leigja þá af honum aftur. Orkuveitan greiðir Finni núna andvirði allra mælana á nokkurra mánaða fresti.

Hvernig ætli væntanlegir kaupendur séu að þessu sinni tengdir eða venslaðir þeim sem ákveða þessa vitleysu?

Orkuveitan selur höfuðstöðvarnar

Athugasemdir

[Óskar Helgi Helgason (IP-tala skráð) 25.1.2013 kl. 21:56]

Heill og sæll Axel Jóhann; æfinlega !

Hugsaðu þér; hvers lags óskapnaður þetta er orðinn.

Annað var uppi á teningi; þegar Jóhannes heitinn Zoega, fyrrv. Rafveitustjóri - og þeir hinir, gömlu mennirnir hugsuðu um veitu stofnanir nágranna okkar, Reykvíkinga, eins og þeir ættu sjálfir, en gjörsneyddir gróðahyggju og markaðs brjálsemi frjálshyggju Kapítalismans, algjörlega.

Með beztu kveðjum; sem jafnan, vestur yfir fjallgarð /

[JR (IP-tala skráð) 25.1.2013 kl. 22:17]

Það sem skelfilegast er, að enn eru fólk við völd sem hugsar svona og er tilbúið að framkvæma þetta bara sí svona !

Núna er það að koma í ljós eð einkavinavæðingin var ekki bara hugsanagangur, það var ekki borguð eina einasta króna í sölu ríkisfyrirtækja til vildarvina !  Nýjasta dæmið er Skifti eigandi Símans og fleiri fyrirtækja.

Enn er verið að nota lífeyrissjóði  til að vildarvinir komist yfir fyrirtækið.  Þetta er gert með aðild Framtakssjóðs Íslands þar sem Brynjólfur Bjarnason er framkvæmdastjóri.