Sigurstranglegur ósigur

 

Strax að loknu prófkjöri Sjalla í Reykjavík fóru að hrúgast upp vonbrigðayfirlýsingar frambjóðanda þó  þeir reyni hvað þeir geta að brosa í gegnum tárin: „Ekki dómur yfir sitjandi borgarfulltrúum“ , „Þetta er sigurstranglegur listi“ , o.s.f.v., segja þeir.

Er það ekki dómur yfir sitjandi borgarfulltrúum , Júlíusi sem vildi fyrsta sætið en fékk ekki, Kjartani sem vildi annað sætið, en fékk ekki, Þorbjörgu Helgu og öllum hinum konunum sem vildu ofar en þær fengu og var þannig hafnað af flokksmönnum fyrir utanbæjarmann?

Borgarfulltrúunum var hafnað fyrir mann sem býr ekki einu sinni í Reykjavík, mann sem fór á svig við lög til að koma sér á kjörskrá  og hefur aldrei unnið handtak fyrir borgarbúa. Ef það er ekki dómur yfir sitjandi borgarfulltrúum og það harður, skil ég ekki hugtakið.

 

Kjartan Magnússon segir listann vera sigurstranglegan. En af hverju ætli Kjartan hafi boðið sig fram í annað sætið ef honum finnst það sigurstranglegra að hann sé neðar á listanum?

 

Það er trúlegt að töluverður hávaði eigi eftir að verða í röðum sjálfstæðiskvenna vegna útkomu þeirra  í prófkjörinu og eru þær raddir þegar farnar að hljóma. Lætin kunna jafnvel að verða til þess að úrslitum prófkjörsins verði „hagrætt“ og Júlíusi eða Kjartani  verði fórnað niður listann fyrir konu. Það væri auðvitað það versta sem þeir gætu gert, það á aldrei að hagræða eða breyta vilja kjósenda. Þegar er farið að leggja drög að slíkri hagræðingu.

 

Til hvers eru kosningar ef niðurstaða þeirra er ekki virt?

Telur ólíklegt að listanum verði breytt

Athugasemdir

[Óskar Helgi Helgason (IP-tala skráð) 17.11.2013 kl. 14:10]

Heill og sæll Axel - æfinlega !

Snilldarlega - sem og myndrænt vel fram sett af þinni hálfu.

Í góðu lagi - að fjálshyggju söfnuðurinn átti sig á - AÐ HANN ER EKKI EINN Í HEIMINUM fornvinur góður.

Kúnstug - kjökur og skelfingar viðbrögð ýmissa hér á vefnum - sem þekkja vart aðra bókstafi en D í stafrófinu Axel Jóhann.

Með beztu kveðjum - suður yfir fjallagarð /

[E (IP-tala skráð) 17.11.2013 kl. 14:40]

Það er margt undarlegt við þetta prófkjör sjálfstæðisflokksins. Í fyrsta lagi er það æpandi áhugaleysi fólks á þátttöku. Í öðru lagi algjör fjarvera kvenna og í þriðja lagi að fulltrúi kvótaeigenda skuli koma norðan af vestfjörðum og ná því að vera efstur. Óneitanlega hvarflar hugurinn að því hvort þessi sérkennilegi hópur sem vill halda dauðahaldi í stríðsáraflugvöllinn í Vatnsmýrinni hafi náð þessum árangri?  En það er alveg ástæðulaust að hafa áhyggjur af þessu, með sama áframhaldi verður sjálfstæðisflokkurinn kominn niður fyrir pilsnerprósentuna eins og hinn dauðvona framsóknarflokkur.

[Axel Jóhann Hallgrímsson, 17.11.2013 kl. 14:47]

Óskar, framboðslistar stjórnmálaflokka eru alltaf sagðir skipaðir mjög hæfum og frambærilegum einstaklingum, þó þar komi hver apinn á fætur öðrum. Svo kýs hver sinn apaflokk á hverju sem gengur.  

[Axel Jóhann Hallgrímsson, 17.11.2013 kl. 14:53]

Hætt er við að ég gráti krókudílatárum E, rætist spá þín um fylgi íhaldsins. Hún er undarleg þessi flugvallarfóbía sem margir virðast haldnir. Þegar flugvöllurinn verður farin, snúa þá þessir "framfarasinnar" sér að því að flytja Reykjavíkurhafnirnar í annað sveitarfélag?

[Trausti (IP-tala skráð) 17.11.2013 kl. 15:29]

Axel, það er ekki víst að gámahöfn Faxaflóahafna verði flutt uppá Grundartanga.

[Trausti (IP-tala skráð) 17.11.2013 kl. 15:32]

Átti að vera, ekki víst að ,,verði svo langt í að,, gámahöfn og s.fr

[Elfar Aðalsteinn Ingvarsson (IP-tala skráð) 17.11.2013 kl. 19:30]

Ég mun aldrei getað kosið flokk þar sem oddvitin hefur ekki svo ég viti unnið nokkurntíman að hag Reykjavíkur.

Já þessi flugvallarphopia er einkennileg. Sem reykvíkingur þá fyndist mér það mun skynsamlegra að breyta bara legu hans aðeins með því að lengja út í sjó og þá værum við komin með almennilegan alþjóðlegan flugvöll sem gæti tekið við Boing 757 vélum og öðru í þeim stærðarflokk.

Styttir leið okkar út í lönd, gefur af sér atvinnu í höfuðborgini og mundi tryggja tilvist flugvallarins næstu áratugina.

[Vilhjálmur Stefánsson, 17.11.2013 kl. 22:48]

Farið það í kobrent Helvíti.þeir fengu ESB sinna í Forystu..Nú fjarar alveg undan Sjálfstæðismönnum í Borginni..

[Axel Jóhann Hallgrímsson, 19.11.2013 kl. 19:33]

Trúir því nokkur í alvöu að þetta prófkjör hafi snúist um ESB?