Góð kalkúnafylling - allt sem þarf

Flestir sem á annað borð leggja það á sig að éta kalkún eru sammála um að góð fylling í fuglinn sé algerlega ómissandi. Þetta er dagsatt og svipar mjög til naglasúpuuppskriftarinnar góðu, þar sem  öll aukaefnin í súpuna eru algerlega ómissandi ef eitthvað á að verða úr súpunni.

En af hverju troða menn þessu mauki inn í kalkúninn í stað þess að baka "fyllinguna" í formi og borða hana þannig í stað þess að standa í því kroppa hana út um boruna?

Þegar menn eru komnir með góða og matarmikla formbakaða kalkúnafyllingu ásamt öðru meðlæti og sósu er komin fullkomin hátíðarmáltíð.

Kalkúninum má því að skaðlausu sleppa alveg, enda bragðlaust óæti hvort sem er án fyllingar.

Verði ykkur að góðu! 

Guðdómleg kalkúnafylling

Athugasemdir

[lara (IP-tala skráð) 7.1.2014 kl. 07:20]

við erum farin að kaupa s.k. smjörsprautað kalkúnaskip í stað þess að vera með heilan kalkún og erum með fyllinguna í formi - enda er hún ómissandi - ásamt góðri sósu