Hvað kostar "vinátta" Norðmanna?

Að fá með eftirgangsmunum „gefins“ eitt skitið jólatré á ári frá Noregi er að mati borgarstjórans í Reykjavík merki   um sérlega trausta „vináttu“ Norðmanna okkar garð.

Hvernig var t.a.m.  vinarhugur Norðmanna í okkar garð í makríldeilunni við þá og ESB, þegar þeir einir þjóða stóðu gegn því að samningar tækjust?  

Hvað var það „vinarbragð“ margra jólatrjáa virði?

Það verður alltaf verðmiði á vináttu Norðmanna, því geta þeir bara átt sín tré.

Reykvíkingar fá Óslóartré í ár

Athugasemdir

[Elín Sigurðardóttir (IP-tala skráð) 17.6.2014 kl. 16:24]

Tréð á Grettisgötu táknar þá væntanlega sérlega áberandi óvináttu borgaryfirvalda í garð borgarbúa.

[Axel Jóhann Hallgrímsson, 17.6.2014 kl. 17:22]

Ég fæ ekki séð tengingu á þessu tvennu, enda trén tvö felld af ólíkum ástæðum.   

Hinsvegar má segja, ef tré sem fellt er í Noregi er tákn um velvilja Norðmanna í garð Íslendinga þá ætti tré sem fellt er við Grettisgötuna að vera tákn um velvilja borgaryfirvalda í garð borgarbúa sjálfsagt!

Er ekki hægt að að koma Grettisgötu hríslunni fyrir á Austurvelli og kveikja í því þar, afsakið -kveikja á því þar- og málið dautt? 

[Elín Sigurðardóttir (IP-tala skráð) 17.6.2014 kl. 18:05]

Þarna komstu með það Axel Jóhann. Auðvitað hlýtur Dagur að fíra upp í trénu. Það væri táknrænt fyrir þann hlýja hug sem hann ber til borgarbúa.

[Jóhann Elíasson, 17.6.2014 kl. 19:14]

Þetta er virkilega góð grein, Axel og ég mæli með því að við hættum þessum "sleikjuskap" við Norðmenn og komum fram  við þá á sama hátt og þeir koma fram við okkur og hafa gert áratugum saman.  Norðmenn eru sko síður en svo frændur okkar og VINIR......

[Axel Jóhann Hallgrímsson, 17.6.2014 kl. 21:22]

Þeir eru sannir "vinir" Jóhann, þegar þeir fá arð af "vináttunni".