Vantraust boðað á hálfan ráðherra

Hanna Birna Kristjánsdóttir er hálf í öllu tilliti, eftir að hafa sagt sig frá dómsmálahluta innanríkisráðuneytisins.

Upp er komin undarleg staða og fróðlegt verður að fylgjast með vegferð ráðuneytisins á næstunni. Ráðherraparturinn ætlar eftir sem áður að halda um stýrið í skrykkjóttum akstri ráðuneytisins, með sprungið á öllum, en öðrum ráðherra verður falið að sjá um bremsur og stefnuljós úr aftursætinu.

Það er greinilega allt hægt og leyfilegt, til að lafa á völdunum, trausti rúin.

Í ljósi þessa ætti að nægja Pírötum að leggja fram hálfa vantrausttillögu á restina  af ráðherranum.

Lýsa yfir vantrausti á Hönnu Birnu

Athugasemdir

[Guðjón Sigþór Jensson, 17.8.2014 kl. 21:37]

Hagsmunagæsla Sjálfstæðisflokksins er vægast sagt mjög einkennileg.

Vinstri stjórn Jóhönnu Sigurðardóttur reyndi hvað unnt var að spara í ríkisrekstri m.a. með sameiningu ráðuneyta.

Ef hagsmunir einhverra í Sjálfstæðisflokknum eru mikilvægari, þá vilja þeir kljúfa niður ráðuneyti og gera stjórnunina dýrari!

Gott er að hafa tungur tvær og tala sitt með hvorri!