"Þrímilljónasti" - í alvöru!

"Farþega­fjöldi Icelanda­ir á þessu ári fór í dag yfir þrjár millj­ón­ir. "Þrímillj­ón­asti" farþeg­inn reynd­ist vera......".

Á hvaða móðurmálsvegferð er Mogginn?

Þrímilljónasti farþegi Icelandair

Athugasemdir

[Wilhelm Emilsson, 17.12.2015 kl. 19:02]

Eru Kenneth Máni og Silvía Nótt farin að vinna á Mogganum? Sem væri náttúrulega ógisslega töff, skiluru!

[Már Elíson, 17.12.2015 kl. 22:02]

En þetta á að vera hvernig, segið þið ??

[Wilhelm Emilsson, 17.12.2015 kl. 22:50]

Ég myndi segja þriðji milljónasti farþeginn.

[Axel Jóhann Hallgrímsson, 18.12.2015 kl. 01:04]

Í eignafalli fleirtölu öllum kynjum er það -þriggja milljónasti- myndi ég ætla.

http://bin.arnastofnun.is/leit/?q=%C3%BEr%C3%ADr

[Wilhelm Emilsson, 18.12.2015 kl. 02:25]

Talandi um Árnastofnun:

http://www.mbl.is/frettir/innlent/2012/12/19/tvo_milljonasti_eda_tvimilljonasti/

[Axel Jóhann Hallgrímsson, 18.12.2015 kl. 12:36]

Takk fyrir þessa ábendingu Wilhelm. Undarleg túlkun og fer gersamlega gegn því sem upp kemur hjá þeim sjálfum sé slegið inn töluorðið tveir svo ekki sé talað um eldri lærdóm.

[Wilhelm Emilsson, 18.12.2015 kl. 21:40]

Ekkert mál, Axel Jóhann.

Já, mér fannst þessi grein um svar Árnastofnunnar nokkuð merkilegt og ég hefði ekki fræðst um þetta ef þú hefðir ekki vakið athygli á málinu.

Þrímilljónasti gengur þvert á mína máltilfinningu, en tungumál breytast og þróast vissulega og við sjáum hvað setur. Þriðji milljónasti er notað í grein í Mogganum (sjá hlekk). Það finnst mér miklu þjálla og eðlilegra, en hvað veit ég :)

http://www.mbl.is/greinasafn/grein/1009523/

[Wilhelm Emilsson, 18.12.2015 kl. 21:41]

Nokkuð merkileg, vildi ég sagt hafa

[jon (IP-tala skráð) 19.12.2015 kl. 20:33]

...allavega þá hafði Gauji fyrir því að kanna málið og spyrja ÍM hvernig ætti að fara með þessa raðtölu, áður en hann barði saman fréttatilkynninguna. 

Gleðileg jól strákar.

[María og Pétur D. (IP-tala skráð) 26.12.2015 kl. 14:47]

Sæll, Axel.

Því miður hefur bloggsíðu okkar Maríu, Aztec, verið lokað sem við álítum vera aðför að tjáningafrelsinu, enda hefur Sjálfstæðisflokkurinn aldrei verið þekktur fyrir að þola gagnrýni. Við viljum bara þakka þér samfylgdina á blogginu.

Við fengum skilaboð frá blog.is svohljóðandi:

"Vegna endurtekinna kvartana hefur verið tekið fyrir að þú getir tengt bloggfærslur við fréttir á mbl.is."

Við svöruðum um hæl:

"Þetta er ekkert minna en alvarleg skerðing á tjáningafrelsi okkar en svo mjög í anda Sjálfstæðisflokksins, spilltasta stjórnmálaflokk á Íslandi fyrr og síðar. "Endurteknar kvartanir" er bara lygi því að það var bara ein nafnlaus rotta, sem kallaði sig Einsa kalda, sem var með dónaskap og sárnaði að við vorum að lýsa hvernig falsaðar skýrslur frá lyfjafyrirtækjum stofnuðu heilsu barna í hættu með ónauðsynlegum bólusetningum, með því að vitna í aðila sem höfðu sífellt afhjúpað svindl lyfjafyrirtækjanna.

Og vitandi það að beztu vinir Sjálfstæðisflokksins eru einmitt stórfyrirtæki, er augljóst að við vorum orðin of hættuleg flokknum. Auk þess höfðum við oft gagnrýnt hina duglausu ráðherra ríkisstjórnarinnar og það fer ekki vel niður í Hádegismóum.

En það eru aðrir vettvangar til að tjá sig, þar sem ritskoðun er ekki viðhöfð. Við vorum hvort eð er orðin þreytt á Moggablogginu sem jú er yfirfullt af jámönnum Sjálfgræðisflokksins og öðru klappstýruliði.

Með megnustu fyrirlitningu,

María og Pétur."

Við óskum þér og Axelmu góðs gengis framvegis.