Bubbi mokar holu

Ekki fannst mér hróður Bubba aukast með viðtalinu sem tekið var við hann í Kastljósinu í kvöld. Held að plötusala hans aukist ekki í Eyjum í bráð. Og víðar.

Þetta stefnir í Kristjánsseringu Jóhannssonar.

Ef Bubbi gáir ekki að sér þá urðar hann sjálfan sig í eigin holu. Og það hratt, því eins og gömlu konurnar sögðu, þá virðist vitið ekki meira en Guð gaf.

  

Athugasemdir

[Kári S. Lárusson (IP-tala skráð) 11.3.2008 kl. 21:30]

Sæll félagi,

Mér finnst Bubbi fullur af hroka. Fyllibytta og dópisti sem gaulaði um verkalýðsbaráttu og frysthúsalíf. Seldi svo sál sína og tónlist til auðvaldsins og keypti sér jeppa.

Og fór að predika um hvað væri vont og hættulegt að dópa og drekka brennivín.

Mér finnst hann kasta grjóti úr glerhúsi þegar hann vænir aðra um lagleysi. Honum hefur að mínu mati einungis tekizt að hnoða saman 3-4 lögum á ferli sínum og spangólar þau svo endalaust í mismunandi útsetningum.

Ég færði þessa skoðun mína í tal við kunningja minn sem kom í heimsókn til mín sl. haust. Hann hló við og sagði: "þú segir það sama og pabbi"

En svo vill til að pabbi hans er skólastjóri  -í tónlistarskóla.......

Má ég þá frekar biðja um Árna Johnsen.

Um vitsmunina skal ég ekki dæma, en "oft er það gott sem gamlar kellingar kveða".

Kveðja,

Kári Lár.

[Axel Jóhann Hallgrímsson, 12.3.2008 kl. 10:03]

Sæll Kári og takk fyrir innlitið.

Það gæti verið áhugavert að leiða þá saman í sjónvarp, Bubba og Kristján Jóh. og láta þá metast og kíta, hvor væri meiri áhrifavaldur í tónlistarlífinu á Íslandi og meiri sjarmur? Áhugavert já en yrði fljótt leiðinlegt áheyrnar.

Bubbi sagði í Kastljósinu að menn mættu hafa allar skoðanir heimsins á sér. En þegar á viðtalið leið kom í ljós að það var ekki alveg svo því til þess hafi hann hefði afrekað of mikið og stórt.

Kveðja, Axel