Þorgerður í fótspor forsetans!

 

Það er full ástæða til að taka vel á móti „strákunum okkar“ þegar þeir koma heim. Ekki spurning. Þorgerður Katrín mennta- og íþróttamálaráðherra ætlar, sem þá starfandi forsætisráðherra, að sjá til þess. Er það vel.

Þorgerður hefur boðað að hún fari nú þegar til Kína til að styðja strákana í leiknum gegn Frökkum. Það er vel til fundið. Hún hefði  mátt fara fyrr.

En hvað segja þeir hægrimenn nú, sem fóru mikinn og áttu ekki til orð til að lýsa hneykslan sinni á för forsetans til Kína og vildu að hann sæti heima í pólitískum tilgangi. Þá hefur sett hljóða.

 

 

Áfram Ísland

Þorgerður Katrín: „Ég fer út að fagna með strákunum"

Athugasemdir

[SIG (IP-tala skráð) 22.8.2008 kl. 17:25]

HALLÓ, HALLÓ, er ekki kreppa í landinu Þorgerður, svona bruðl fer óskaplega í taugarnar á mér. Þorgerður má auðvitað fara á sinn kostnað og vona ég að hún hafi manndóm í sér til að gera það!

p.s. ég man ekki eftir því að hægri menn hafi verið sérstaklega hneykslaðir á ferð forseta vors, heldur bara allir landsmenn, því hann hefur ekkert að gera þarna og þetta er bara bruðl hjá honum eins og hjá Þorgerði.