Skrípaklæðnaður.

Heimkoma, og móttökuathöfn Silfurstrákana á Arnarhóli var sameiginleg gleðistund allrar þjóðarinnar. Þó þótti mér upphafsatriði þeirrar samkomu  varpa nokkrum skugga á þá gleði.  

Páll Óskar var með opnunaratriði samkomunnar og söng ein tvö lög. Ekki er ætlunin að setja út á sönginn heldur klæðnaðinn. Páll Óskar kaus af einhverri annarlegri ástæðu að nota þetta tækifæri til að óvirða íslenska fánann og smána með því þjóðina.

Þessi skrípabúningur sem hann kom fram í getur ekki undir neinum kringumstæðum átt að túlka og tákna neitt annað en þjóðfánann. Sem gerir hann brotlegan við 11. og 12.gr. fánalaga.

Þetta hefur væntanlega átt að vera fínt og hæfa tilefninu, en gerði það ekki,  heldur þvert á móti.

Ég geri ráð fyrir að lögreglan líti málið alvarlegum augum og hafi kallað Pál Óskar til skýrslutöku vegna málsins, nema sumir séu taldir töluvert jafnari en aðrir, fyrir lögunum, hvað misnotkun fánans varðar.

Páll Óskar frestar sýningu

Athugasemdir

[Gissur Örn (IP-tala skráð) 29.8.2008 kl. 15:50]

Mér fannst og reyndar finnst enn ekkert smánarlegt við klæðnaðinn hans þarna. Það mætti alveg slaka aðeins á þessum lögum. Ef fólk fengi að klæðast fánalitum löglega væru örugglega fleirri þannig. Þetta ýtir bara undir þjóðarstoltið ef eitthvað er. Hvað þá með alla sem mála á sig fánann á leikjum? Á þá ekki bara að handtaka þá hið snarasta líka?

[Gulli litli, 29.8.2008 kl. 16:11]

Maður skilur ekki alveg þessi ógnarlög um þjóðfánann. Ég hef lengi látið mig dreyma um gítar í fánalitunum. Það má ég ekki, en ég tel að með því sé maður að sýna þjóðinni og fánanum lotningu. Páll Óskar er flott poppstjarna.....

[Axel Jóhann Hallgrímsson, 29.8.2008 kl. 16:49]

Gissur Örn.

Það verur að telja töluverðan mun á því að mála fánann á kinnar eða að klæða sig í hann.

Það má nota fánann eða fánalitina á vörur.

Ég fæ ekki séð hvernig það getur ýtt undir þjóðarstoltið ef Íslenski fáninn yrði notaður eins og t.d. sá Bandaríski, prentaður á allstaðar og formaður í alla hluti, svo sem nærbuxur, smokka, dömubindi, klósetsetur, bara nefndu það.

Gulli.

Þetta eru engin ógnarlög, búið að slaka mikið á frá upprunalegu lögunum frá 1944. Páll óskar er kannski flottur, sem er matsatriði, en setti hann rönd í fánann?

[Gissur Örn (IP-tala skráð) 29.8.2008 kl. 17:21]

Það er langur vegur frá því að leyfa notkun fánans í smekklegum tilgangi eins og í þessu tilfelli og að gera úr honum g-strengi og klósettsetur. Það má alveg ganga milliveginn hér

[Axel Jóhann Hallgrímsson, 29.8.2008 kl. 17:41]

Það eru skiptar skoðanir um öll lög. En það er hreint ekki langur vegur á milli notkunar fánans eins og Páll Óskar gerði eða þessara ýktu dæma. Kannski aðeins túlkunaratriði.

Ég sé ekkert stórvægilega athugavert við fánalögin eins og þau eru. Svo það sé á hreinu, þá er meðferð P.Ó. á fánanum langt því frá smekkleg og andstæð lögum. Hvort gilda lögin eða persónulegt álit manna á þeim?