Dragbítur

Það hefur komið skýrt fram að langveigamesti þátturinn í endurreisn efnahagslífsins á Íslandi og að krónan eigi sér viðreisnar von, sé sá að skapa aftur traust erlendis á krónunni og efnahagslífi á landinu almennt.

Að vinna aftur það traust virðist eiga langt í land.  Meginástæða þess er Seðlabankastjóri sem er orðin undrunar- og aðhlátursefni erlendis, vegna endurtekinna yfirlýsinga sinna um menn og málefni.  

Ummæli Davíðs hæfa fráleitt ábyrgum og vönduðum Seðlabankastjóra, hann talar eins og götustrákur.

Dragi ríkisstjórnin það að taka til í Seðlabankanum, hvort sem menn telja það rétt eða rangt, þá mun hún líka glata trausti og það verður öllu verra dæmi að leysa við þessar aðstæður.

Tiltektarrassía FME hefði átt að byrja í Seðlabankanum, það hefði bjargað miklu.  

 

Atburðir í Bretlandi felldu Kaupþing

Athugasemdir

[johann pall (IP-tala skráð) 9.10.2008 kl. 18:16]

Hallo Axel nu hefur komið a daginn að það var ekki DAVÍÐ "hinn ógurlegi"sem setti bretland a annan endann heldur arni matt!.Þessar endurteknu arasir a DO fara að virka klisjukendar. Hvað með úttrásarguttana? Hannes Smárason og Jón Ásgeir þar eru hinir raunverulegu glæ..menn. Menn sem hafa bundið okkur á skuldaklafa með óráðsíu sinni. Hvernig væri að gera bentleia snekkjur og lúxusvillur upptækar, i stað þess að ráðast sífellt að manni sem reyndi þó gegn almenningsálitinu að stoppa kauða. Ég bara spyr?. En svo eg svari mér sjálfur þá hafa vist laun heimsins ávallt verið vanþakklæti

[Axel Jóhann Hallgrímsson, 9.10.2008 kl. 18:56]

Sæll gamli vinur, gaman að heyra í þér.

Sammála þér hvað þá varðar sem ábyrgð bera á þessum ósköpum, koma þarf frystingu á eigur þeirra hvar sem þær fyrirfinnast. En Seðlabankanum hafa orðið á mikil mistök í peningastjórninni, bæði með aðgerðaleysi og röngum  ákvörðunum t.d að í stað þess að auka bindiskyldu bankana á fé í Seðlabankanum, með auknum umsvifum þeirra, var hún lækkuð og þeim þannig fært fé á silfurfati til að auka enn á sukkið.

Svo eru menn að reyna að klína afleiðingum afar ógætilegar yfirlýsingar Davíðs í Kastljósi á Árna Matt. Árni hefur áður verið notaður til blóra, þegar Árni var látinn taka skellinn fyrir Herr Oberst  B.B. þegar sonur Davíðs var skipaður dómari þvert gegn öllum meðmælum, rökum og skynsemi.

Það er allt í lagi að fórna Árna á hann ekki að fara í Landsvirkjun, þótt hann hafi engan áhuga?

Og hananú.

Kveðja,

[jóhann páll (IP-tala skráð) 9.10.2008 kl. 19:53]

Sæll vinur. 'A hvurju hefur Árni áhuga? lögsækja ljósmæður var hans útspil síðast þegar hann opnaði munninn!.Héraðshöfðingi á Kolbeinsey væri sennilega heppilegri staða honum til handa.En við erum að nálgast hvorn annan i skoðunum Axel og er það vel,persónulega finnst mér að Steingrimur Sigfússon hafi sagt það sem segja þurfti við setningu neyðarlaganna um daginn.En eg held þvi samt fram"eins og 'Arni Snævarr"að rangt se skipað i stöður. Geiri grái Ætti að skipta við slagsmálahundinn DAV'IÐ ODDSON kannski hefði gordon brown þá skilið hvað á spýtunni ´hékk! kær kvveðja til þin Axel

[Axel Jóhann Hallgrímsson, 9.10.2008 kl. 21:19]

Ekki get ég sagt að Árni sé á topp tíu hjá mér. Maðurinn er sjálfumglaður hrokagikkur sem sló neðanbeltis með lögsókninni á ljósurnar. Ég get verið sammála að Steingrímur hefur látið óvenju margt skynsamlegt síðustu daga. Kannski þráið hann að geta skriðið í heita holuna eftir Imbu í bóli Geirs.

Gordon staðfesti endanlega þá skoðun mína að Bretar hafi aldrei haft áhuga á vinfengi við eina eða neina nema að hafa af því hag. Eins og öll heimsveldissaga þeirra vitnar um. Við gætum náð okkur niður á Gordon með því að gefa honum Seðlabankastjóra.

[Axel Jóhann Hallgrímsson, 9.10.2008 kl. 21:21]

Leiðrétting: 

Ég get verið sammála að Steingrímur hefur látið óvenju margt skynsamlegt frá sér fara síðustu daga.

Átti þetta að vera.