Nei, andskotinn hafi það, nei og aftur nei!

Komi Bretar hingað í desember, eins og ekkert hafi í skorist, til að sinna hinni svokölluðu loftrýmisgæslu, þá verður það hneyksli aldarinnar.

Úlfurinn er sendur til að gæta sauðanna og forystusauðirnir fagna og segja meeeeeee, allir í kór.

Þjóð sem kallar  okkur hryðjuverkamenn og  gerir heiftúðlegar árásir á okkur, sem kosta okkur hundruð milljarða  á  svo að koma og verja okkur fyrir árásum?

Árásum hverra,  Gordon Brown? Þá þurfa þeir ekki að koma hingað, Brown er í London, þeir geta bombað hann þar.

Hvað þarf til að við hættum að kyssa vöndinn? Er þýlyndi ráðamanna okkar í garð NATO á það háu stigi að hún er tekin fram yfir sjálfsvirðingu þjóðarinnar.

Við frábiðjum okkur „hernaðarsamvinnu“  við slíka „bandamenn“ , þá einu sem sýnt hafa okkur fjandskap frá stofnun lýðveldisins. Ef NATO getur ekki boðið annað okkur til varnar en Bretana, þá geta þeir átt sig.

Ekki er að efa að Geir Haarde forsætisráðherra á eftir að koma fyrir þjóðina og segja með skjálfta í munnvikunum að hér sé um tvö óskyld mál að ræða.  Fjandinn fjarri mér að svo sé.  

Ef við Íslendingar tökum  þessu þegjandi  þá eigum við það skilið hvernig komið er fyrir okkur.

Bretar sjá um varnirnar

Athugasemdir

[Kári S. Lárusson (IP-tala skráð) 17.10.2008 kl. 11:04]

Sæll Axel.

Það er í mínum huga algerlega óhugsandi óg óþolandi að Bretar séu sveimandi hér yfir í einhverju varnarskyni. Og fyrir hverjum er verið að verja okkur. Kannski Rússunum sem eru nánast þeir einu sem hafa sýnt einhvern vilja til að aðstoða okkur í kreppunni.

Við eigum að segja okkur úr Nató og bjóða Rússum afnot af Keflavíkurflugvelli fyrir herþotur sínar. Það færi þá kannski að verða "vinalegri" vinskapurinn við svokallaða "vini" okkar í Nató.

Það hefur sýnt sig að Bretar eru þeir einu sem við þurfum vörn gegn, bæði hernaðarlega og fjárhagslega. Semjum bara við Rússana um þær varnir.

Þetta er mín skoðun.

Kveðja,

[Axel Jóhann Hallgrímsson, 17.10.2008 kl. 11:18]

Sæll Kári.

Svei mér ef þú ert ekki orðinn rótækari en ég. Ég vill hinsvegar ekkert hernaðarbrölt á Íslandi,  hvorki NATO eða Rússa.

Já Ísland úr NATO, Bretana burt!

Rússar hafa aldrei gert okkur neitt nema gott og við eigum að stofna til samvinnu við þá eins og aðrar þjóðir sem það vilja, um það sem til framfara getur horft.

Að Bretarnir komi hingað nú jafngildir því að þeir hefðu verið beðnir að verja landhelgina fyrir okkur við útfærslur hennar!

Mér verður bumbult þegar sumir tala um "vini okkar Breta".

Kveðja,

[Guðmundur Ásgeirsson, 17.10.2008 kl. 11:22]

Nei nei, við kyrrsetjum einfaldlega bresku flugvélarnar þegar þær lenda á Keflavíkurflugvelli, þar sem vill svo til að við Íslendingar eigum nú gamla herstöð. Sendum svo hermennina heim á Saga Class en hirðum þoturnar upp í bætur fyrir stríðsglæpi Breta gegn okkur og nýtum þær til að verja sjálfstæði lands og þjóðar!

"Let's freeze their asse(t)s!" ;)

[Axel Jóhann Hallgrímsson, 17.10.2008 kl. 11:36]

Athyglisverð hugmynd Guðmundur við fyrstu sýn. En eigum við að bjóða menn velkomna til Íslands í þeim tilgangi að ræna þá? Fæ ekki séð að það bæti okkar stöðu.

Hvað ætlarðu svo að gera við haug af Bresku brotajárni? Hvar á að finna pening fyrir rekstri þotnanna þegar varðskipin okkar liggja í höfn því ekki er til aur fyrir olíu? Kæmi ekki ekki á óvart þótt hver þota þurfi meira til reksturs en varðskipin okkar bæði.

[Guðmundur Ásgeirsson, 17.10.2008 kl. 13:57]

Þetta var nú sett fram í hálfkæringi ef það fór eitthvað á milli mála, en öllu gamni fylgir þó nokkur alvara. Og talandi um að ræna aðrar þjóðir, hvað myndir þú kalla tilefnislausa beitingu hryðjuverkalaga og eignaupptöku á íslenskum fyrirtækjum annað en rán? Einhvernveginn verðum við að sækja okkur bætur...

[Axel Jóhann Hallgrímsson, 17.10.2008 kl. 14:06]

Guðmundur ég er sammála hvað meðferð Breta á okkur varðar. En það réttlætir ekki að við förum niður á sama lágkúruplanið. Höldum reisn en látum Breta vaða flórinn.