Er þetta réttlæti?

Hæstiréttur hefur staðfest 12 mánaða fangelsisdóm héraðsdóms yfir  24 ára manni fyrir tvöfalt manndráp af „gáleysi“ þegar hann með vítaverðum framúrakstri olli slysi þar sem 5 ára stúlka lést, í bílnum sem á móti kom,  8 ára bróðir hennar og faðir slösuðust alvarlega, drengurinn lamaðist m.a. varanlega. Farþegi í bíl ökuníðingsins  lést einnig.

Níðingurinn slapp sjálfur með minniháttar meiðsl, því miður leifi ég mér að segja.

Auk fangelsisdómsins var níðingurinn sviptur ökuréttindum í 4 ár! (??) 

Ekki verður séð að níðingurinn hafi sýnt iðrun eða lært af reynslunni því á nokkrum mánuðum eftir slysið var hann stöðvaður alls 9 sinnum fyrir hraðakstur. (Hvernig er með  punktakerfið? ) Auk þess laug hann fyrir dómi, framburður hans var vægast sagt verulega á skjön við framburð vitna.

12 mánaða fangelsi, sem þýðir 6, hámark 9 mánuði inni, er ótrúlega vel sloppið fyrir dráp á tveimur manneskjum og ævilangrar örkumlunar á  8 ára dreng. Og eftir 4 ár fær þetta „djásn þjóðveganna“ ökuleyfið aftur, maður sem aldrei ætti að fá að koma nálagt bíl aftur, nema til að láta hann keyra yfir sig.

Þessi dómur er þeim dómur sem hlífa skildi. Fórnarlömbin hafa nú fengið, sem blauta tusku í andlitið, ofan á allt annað að líf og limir þeirra eru ekki meira metin af dómstólum en þetta. 

Þetta er svívirða.

   

Árs fangelsi fyrir manndráp af gáleysi

Athugasemdir

[Burkni (IP-tala skráð) 6.11.2008 kl. 17:53]

Legg ekki í vana minn að lýsa skoðun minni á svona dómum en þetta tekur út fyrir allan þjófabálk. Skil ekki hvers vegna hann fær ekki þyngri dóm. Ég er líka sammála því sem þú segir með að dómurinn sé blaut tuska í andlit fórnarlamba níðingsins. Kalla það merkilegt að hann hafi ekki verið fjarlægður af yfirborði jarðar þessi náungi.

[Birkir (IP-tala skráð) 6.11.2008 kl. 17:55]

Þessi drengur hefur lýst því yfir að hann sjái ekki eftir neinu, enda sést það best af því að hann hefur verið tekinn 9 sinnum fyrir hraðakstur eftir slysið.

[Sigríður María (IP-tala skráð) 6.11.2008 kl. 18:20]

Ég verð svo reið af að lesa svona! Réttarkerfið er eitthvað að bregðast þegar svona maður fær einungis 12 mánaða dóm!

[Axel Jóhann Hallgrímsson, 7.11.2008 kl. 08:09]

Þakka innlitin og undirtektir.