Fé án hirðis.

Jæja eftir mikla leit hafa fundist kappar tveir til að gangast við því að hafa safnað sjóðnum súra. Þeir félagar hafa sent frá sér yfirlýsingu um málið. En ég fæ ekki séð að neitt hafi breyst. Það er eitt að safna fé, eða vera tilbúnir að reiða það fram, allt annar handleggur er að taka við því.

Enn er óútskýrt hvernig þessum köppum tókst að lauma peningunum inn í Valhöll án þess að nokkur sála, að Geir frátöldum, yrði þess var, eða hefði yfir hugmynd um að þetta fé flæddi um ganga Valhallar, þetta hefur því sannanlega verið fé án hirðis.

Sjálfstæðisflokkurinn ætlar að skila aurunum en ekki samt öllum. Flokkurinn tók á árinu 2006 við samtals 30 milljónum frá Landsbankanum í tveim greiðslum 5 milljónum og 25 milljónum. 5 milljónunum verður ekki skilað því þær eru innan „eðlilegra marka“ að sögn flokksins.

Ekki ætla ég að gera ágreining um það, vel kann að vera að 5 milljónir sé eðlilegt framlag.

En þá vaknar sú spurning að hvort allar 30 milljónirnar frá Landsbankanum og sama upphæð frá FL- group hefðu ekki verið innan „eðlilegra marka“ hefðu þær verið reiddar fram  í 6 eða fleiri greiðslum?

Dugir þetta til að stinga upp í þjóðina? Spyr sá sem ekki veit.  

 

 

Söfnuðu fé fyrir flokkinn

Athugasemdir

[Röndótt (IP-tala skráð) 11.4.2009 kl. 19:33]

Nei....flokkurinn er ein peningamaskína.  Allt er rotid í flokknum.  95% flokksmanna eda meira eru platadir af götustrákum sem hafa völdin í flokknum.  Götustrákarnir eru búnir ad gera thjódina gjaldthrota.  Audlindir sjávar voru afhentar útvöldum.  Bankarnir voru afhentir útvöldum.  Dómarastödur voru afhentar útvöldum.  Sedlabankastjórastada var afhent útvöldum.  Allt í theim tilgangi ad ödlast eins mikil völd og peninga og kostur var.

Thjódin er gjaldthrota og thessi flokkur er svo sannarlega gegnumrotinn.  Ad halda ad rotid stoppi einhversstadar í stjórn eda í valdastödum thessa flokks er hreinn barnaskapur.