Íransforseti ber hausnum við steininn.

Hinum umdeilda  Íransforseta Mahmoud Ahmadinejad er ekki alsvarnað þótt nokkuð sé hann kaflaskiptur og baldinn.

Hann situr við sinn keip að skipa konur í ráðherraembætti, þrátt fyrir að klerkastéttin hafi  skilmerkilega skilgreint konur með öllu óhæfar til stjórnunarstarfa sökum skorts á heilastarfsemi.

 

Ahmadinejad útnefnir aðra konu

Athugasemdir

[Guðmundur St Ragnarsson, 6.9.2009 kl. 22:56]

Batnandi mönnum er best að lifa Axel - líka þótt þeir heiti Mahmoud Ahmadinejad :)

[Axel Jóhann Hallgrímsson, 6.9.2009 kl. 23:37]

Ég virði þessa viðleitni hans en við ramman er reip að draga þar sem klerkarnir eru.

[Svanur Gísli Þorkelsson, 7.9.2009 kl. 06:53]

Því miður Axel, þessi kona eins og fyrri kandídatinn er harðsvíruð afturhaldsbredda sem m.a. fékk þingið til að kyn-skipta matsalnum í þinginu eftir að hún náði þangað inn.

Hún er eindreginn stuðningsamaður forsetans sem hingað til hefur ekki vandað  meðulin gegn óvinum sínum eða sakleysingjum. Hann var einn af foringjum byltingarráðsins þegar það lét hengja 20 konur samtímis fyrir það að kenna stúlkum sem meinað hafði verið aðgangur að skólum landsins, að lesa.

Hann er að reyna að slá vopnin úr höndum gagnrýnenda sinna með þvi að fá konu til þess að kúga konur.

[Axel Jóhann Hallgrímsson, 7.9.2009 kl. 09:30]

Svanur, kann að vera meira en rétt hjá þér. Það er fjarri því að allar konur sem setið hafa á þingi eða gengt ráðherraembætti á Íslandi sé hægt að flokka sem femínista. En vera þeirra á þingi og í ráðherrastólum, sem slíkra var samt sem áður styrkur fyrir réttindabaráttu kvenna.

Klerkastéttin í Íran er anvíg þátttöku kvenna í stjornunarstörfum og hefur neitunarvald í því máli. Fyrsta skrefið í að brjóta niður þá múra kann því að vera að skipa konur sem þeir telja ekki ógna veldi sínu.

[Finnur Bárðarson, 7.9.2009 kl. 17:11]

Ég held að hann sé þreyttur á þessu gömlu skeggjuðu gaurum.