Er ekki búið að skjóta...

...yfir markið þegar lagasetning til að sporna við misnotkun á börnum er þannig úr garði gerð að foreldrar eru handteknir fyrir að sýna börnum sínum ástúð og fyrir eðlilega líkamlega snertingu við börnin sem er þeim nauðsynleg til að þau þroskist eðlilega?

Handtekinn fyrir að kyssa dóttur sína

Athugasemdir

[Þórarinn Þ Gíslason (IP-tala skráð) 12.9.2009 kl. 23:58]

Sæll Axel.

Jú, það er búið að skjóta allt niður til..................!

Ekkert mannlegt er lengur heilagt.

Kveðja

[María Ágústsdóttir (IP-tala skráð) 13.9.2009 kl. 05:31]

Sæll Þórarinn.

 Nú veit ég að moggabloggarar vita fátt betra en tækifæri til að búa til ögrandi færslufyrirsagnir í von um að lokka að lesendur. Ég vona samt þú hafir vit á að átta þig á því að í þýðingu morgunblaðsins er ekkert sagt um hvers eðlis hin óeðlilega snerting á að hafa verið. Nú bjó ég í suður ameríku í nokkur ár og þar eru börn knúsuð í bak og fyrir. Mér finnst því ástæða til þess að ætla að hér liggi eitthvað meira að baki en blaðamenn moggans hafa nennt að þýða. Þú getur því huggað þig við það að líklega er ekki ástæða til að ætla að ekkert mannlegt sé lengur heilagt og frestað því að gráta þig í svefn. 

[Axel Jóhann Hallgrímsson, 13.9.2009 kl. 13:16]

Sæl María; ég tel víst að þú sért að svara mér þótt þú ávarpir Þórarinn.

Já, já ég veit um veikleika moggabloggsins en ég dreg samt stórlega í efa að blaðamenn á þeim miðli frekar en öðrum, skafi kjötið af beinunum áður en þeir birta fréttina.

Ekki hef ég ástæðu til að draga reynslu þína frá Suður Ameríku í efa, en líklegt er að lögin séu þannig úr garði gerð að eftir að kæra hefur á annað borð verið lögð fram, þá séu þeir kærðu í djúpum skít uns sakleysi þeirra hefur verið sannað.

Það er ekki góð þróun María, og þá ekki hvað síst fyrir börnin, ef karlmenn fara almennt á almannafæri að veigra sér við að taka utanum börnin sín og sína þeim þá ást og umhyggju sem þau vænta af foreldrum sínum, af ótta við að einhverjir svartnættis hugsuðir túlki það á versta veg.

Það  er staðreynd að til eru konur (sem betur fer fámennur hópur) sem telja karlmenn, alla upp til hópa ofbeldismenn, nauðgara, barnaníðinga o.s.f.v.

Fjórir bloggarar hafa bloggað um þessa frétt, þrír karlar og ein kona. Þú setur inn orðrétt sömu athugasemdina hjá öllum körlunum en lætur konunni ósvarað. Hvort draga má einhverja ályktun af því, skal ég ekki að fullyrða um.

[Ingibjörg Axelma Axelsdóttir, 13.9.2009 kl. 22:24]

Svipuð þróun hefur átt sér stað á t.d. eins og barnaland.is..

Man glöggt eftir því fyrir nokkrum árum, þegar þessi vefur var fyrst að verða vinsæll.

Fólk, líkt og núna í dag, var að setja inn myndir af sér og börnum sínum, og leyfa vinum og vandamönnum að fylgjast með þeim vaxa og dafna, sem er svosem ekki frásögufærandi..

En það tíðkaðist nú samt að það væru stundum myndir settar inn sem myndu oftast og eðlilega teljast "óhæfar" til sýningu, en margar þeirrar fallegar þó. T.d. eins og kviknakin móður með barn sitt í baði.

Allar slíkar myndir þóttu ægilega vinsælar bæði til að setja inn og skoða, en svo kom babb í bátinn.

Einhver setti inn svipaða mynd á síðu barns síns, en í stað móður með lafandi mjólkurfull brjóstin hangandi út fyrir baðkarsbarmana, haldandi á barni sínu, var mættur kviknakinn faðir (sem ekki sást í nema bara bringa, handleggir, haus og barn), sem brosti að dóttur sinni og hélt á henni ástúðlega. Hneyksli! Skandall!

Þetta þótti bara argasta barnaklám, og óviðeigandi.

Þessi þróun hefur gert það að verkum að margir feður eru hreint stórskelkaðir við það að sýna börnum sínum ástúð á almannafæri. 

[Axel Jóhann Hallgrímsson, 13.9.2009 kl. 22:58]

Takk fyrir þetta innlegg Inga mín.

Ég hef ekki séð þess merki að þið systurnar hafið beðið skaða af því að fara í bað með honum karli föður ykkar þegar þið voruð börn að aldri