Hverju skila háir skattar af engu?

Það kann að ráða úrslitum að Íslenska þjóðin standi undir þeim drápsklyfjum sem á hana hafa verið lagðar að Drekasvæðið skili landinu tekjum í framtíðinni.

Skattlagning af þeirri starfsemi sem svæðinu tengist má ekki vera með þeim hætti að enginn sýni verkefninu áhuga.

Þar sem megin tilgangur skatta er að afla Ríkinu tekna,  má ekki fara yfir ákveðin ballans, þá fer skattlagningin að vinna gegn sjálfri sér og tilgangi sínum.

Háir skattar af engum tekjum af Drekasvæðinu skila þjóðinni engu. Hafi sá skattarammi sem sniðin hefur verið að hugsanlegri olíuvinnslu fælt áhugasama frá verkefninu þarf að breyta honum.

Verði það ekki gert verður engin olía unnin á svæðinu, þótt hana kunni að vera að finna þar í miklu magni.

Vonandi er  það ekki tilgangur skattlagningarinnar.

Getgátur um gríðarlegar olíulindir á Drekasvæðinu

Athugasemdir

[Heimir Lárusson Fjeldsted, 25.9.2009 kl. 12:33]

Eruð þið ekki að fara að hækka skattana enn frekar Axel?

[Axel Jóhann Hallgrímsson, 25.9.2009 kl. 13:02]

Við?

Hætti ekki fyrirtækið sem ætlaði í boranir við vegna skattaumhverfisins. Það umhverfi var víst ekki smíðað í gær Heimir.

[Heimir Lárusson Fjeldsted, 25.9.2009 kl. 13:26]

Þið hafið verið samfellt í um 30 mánuði í ríkisstjórn, en samt látið þið eins og óspjallaðar meyjar.

[Axel Jóhann Hallgrímsson, 25.9.2009 kl. 13:53]

Þið!? Ég er alveg stjórnlaus Heimir!

Meydómurinn getur verið ansi teygjanlegur Heimir. Í Íslandsklukkunni var Jón Hreggviðsson spurður að því út í Hollandi (minnir mig) hvort rétt væri að konur  á Íslandi væru taldar hreinar meyjar uns þær hefðu eignast sjö börn í lausaleik! Ekki ætla ég að gera lítið úr Nóbel skáldinu.

[zappa (IP-tala skráð) 25.9.2009 kl. 14:01]

ætli við getum ekki komið okkur upp svona oliumálaráðuneyti og oliustofnun,skapar fullt af störfum, getum svo minnkað landhelgina sem Drekasvæðinu nemur til að losna við kostnaðinn sem þessari leit og vinnslu fylgir-það er allvega íslenska aðferðin

[Finnur Bárðarson, 25.9.2009 kl. 15:11]

Ha Axel ?? Ert þú kominn í ríkisstjórnina. Það er ekki verið að bjóða manni í kokteil út af því.

[Axel Jóhann Hallgrímsson, 25.9.2009 kl. 19:26]

Við buðum leitina út zappa til að losna sjálfir við kostnaðinn af henni.

[Axel Jóhann Hallgrímsson, 25.9.2009 kl. 19:30]

Nei Finnur ég er ekki kominn í "Stjórnina" og því ekki ástæða fyrir kokteilum enda eins gott, því þeir eru hættir að hrista sig sjálfir og ég er í þokkabót fyrir norðan.

[Jón Snæbjörnsson, 25.9.2009 kl. 19:45]

það er dýrt að vera fátækur

[hilmar jónsson, 25.9.2009 kl. 20:18]

Svona láta þessir stjórnmálamenn alltaf..kannast ekki einu sinni við að vera í stjórn..

[Finnur Bárðarson, 26.9.2009 kl. 17:42]

Gat nú verið Hilmar :)