Köllum til sérfræðinga

Rétt eins og með önnur skemmdarverk finnst mér þessi árás á kirkjuna  afar döpur og lágkúruleg, þótt ég sé ekki kirkjunnar maður. Erfitt er að ímynda sér ástæðu eða tilgang þessa.

En kannski er ljós í myrkrinu, við búum nefnilega svo vel eftir öll skemmdarverk nýliðins árs að eiga nánast sérfræðinga í framkvæmd skemmdaverka og þá ekki hvað síst túlkun á meiningu þeirra og tilgangi. Hér á ég við það fólk sem dásamaði ódæðin í ræðu og riti og taldi þau hápunkt tjáningarformsins.

Væri ekki rétt að fá gömlu skemmdaverkanornirnar  til að lesa í handbragðið, þó ekki væri til annars en allur almenningur, sem ekkert botnar í svona löguðu,  fái upplýst hver  tilgangurinn og boðskapurinn er með þessu, sé hann einhver?

 

24 rúður brotnar í Grensáskirkju

Athugasemdir

[Hólmfríður Bjarnadóttir, 1.1.2010 kl. 21:01]

Sæll Axel. Skemmdarverk eru alltaf neikvæð og eiga að mínu mati aldrei rétt á sér. Ef koma þarf skilaboðum til einhvers/einhverra eru svo margar aðrar leiðir til sem eru miklu betri.

Skilaboðin eru yfirleitt þau sömu, eitthvað á þá leið að;

sá sem þau vinnu er reið/ur og um leið afar huglaus. Vill skamma, finna að einhverju, en þorir ekki.

Þannig skilaboð er ekki hægt að túlka með neinni vissu og þaðan af með sanngirni. Þarna hefur verið skemmt og tilgangurinn sá einn að skemma.

[Trúlaus (IP-tala skráð) 1.1.2010 kl. 21:01]

En finnur ekki til með fjöldskyldu heimilisofbeldis sem stendur í fréttinni. Rúður eru brotnar í skólum ekki er að gera árás á menntun og lærdóm.

[Axel Jóhann Hallgrímsson, 1.1.2010 kl. 21:35]

Sæl Hólmfríður, þetta er ágætis skilgreining hjá þér á málinu. En ég var að sneyða að því fólki sem kom fram í fölmiðlum og réttlætti skemmdarverk og eyðileggingu eigna og taldi það eitthvert hámenningarlegt tjáningarform.

[Axel Jóhann Hallgrímsson, 1.1.2010 kl. 21:39]

Trúlaus, ég er ekki viss um að ég grípi samhengið í þessu hjá þér nægjanlega vel til að segja álit mitt á því.

[Trúlaus (IP-tala skráð) 1.1.2010 kl. 21:57]

Næstneðst í fréttinni er talað um heimilisofbeldi en sumir taka hitt meira alvarlegra að því heimilisofbeldi er algengara. Sumir líta á rúðu brotið á sem árás á kirkju og trúna, en ég lít þetta sem árás á hús. Sjálfur var ég fermdur þarna og bróður minn. Og þeir sem hafa ég kirkjuna að aftan finnst hún á ókláruð en prestinn finnst hún fallegasta kirkja á Íslandi. Að lokum takk fyrir að þurrka ekki það sem ég hef að segja annað en hún Hólmfríður gerði á sinni bloggsíðu.

[Axel Jóhann Hallgrímsson, 1.1.2010 kl. 22:36]

Trúlaus, ég er ekki að gera lítið úr alvarleika neðanmálstextans þótt ég nefni það ekki. 

Ég var einfaldlega að gera eyðileggingu og skemmdarfíkn að umtalsefni og koma að smá ádeilu á þá sem hafa á liðnu ári réttlætt þá áráttu og fullyrt að í henni væri bæði falin tilgangur og tjáning.

Hvort þeir sem gerðu þetta voru að ráðast á húsið sem slíkt eða það sem það stendur fyrir vitum við ekki fyrr en þeir verða gómaðir. En sama hvort, ömurlegt er það.

[Jens Guð, 2.1.2010 kl. 01:07]

  Ég átta mig ekki á hvað skemmdir á Grensáskirkju eiga að fyrirstilla.  Mig grunar að þar sé einungis um skemmdarfíkn að ræða án annars tilgangs.