Krían komin

Jæja, þá er blessuð krían komin með þá gleði (og ergelsi) sem henni fylgir.

Er Hitler alltaf í lagi, eða bara stundum?

Í hvaða stjórnmálaflokki þurfa stjórnmálamenn að vera til að stjórnendum moggabloggsins þyki ekki boðlegt að þeim sé, á blogginu, líkt við Hitler, eins og svo „smekklega“ er gert  í þessari færslu?

Lokunum hefur verið hótað og framkvæmdar af minna tilefni á mbl.is.

Þorgerður á þing

Hér er niðurstaða í skoðanakönnun á þessari síðu, sem stóð yfir í réttan sólarhring, um 80 svöruðu.

Spurt var: Hvað finnst þér um endurkomu Þorgerðar Katrínar á þing?

Það er frábært                  11,5%

Þokkalega sáttur                1,3%

Alveg sama                        6,4%

Verulega ósáttur               20,5%

Bíddu meðan ég æli          60,3%

Það er ljóst að endurkoma Þorgerðar á Alþingi hefur lítinn hljómgrunn meðal gesta á þessari síðu. Kærar þakkir fyrir þátttökuna.

Ég vek athygli á nýrri könnun hér til vinstri!

  

Hver er asninn?

 

Það er vandséð hver er asninn í þessu máli.

Asninn er sennilega enginn asni.

Asni í fangelsi fyrir að stela korni

Hann er víða vandinn!

Enn ein fréttin um furðulegan þankagang bandaríkjamanna. Ef ekkert gengur er gjarnan gripið til byssunnar, sama hver vandinn er. Hann mun hafa verið þokkalega búinn til heimavarna þessi náungi. Enda rétt að vera við öllu búinn þegar menn lenda upp á kant við úrillar garðsláttuvélar.

Sláttuvélin mun ekki hafa lifað árásina af.

Skaut óþæga garðsláttuvél

Hvað meinar Mr. Brown?

Gordon Brown forsætisráðherra Bretlands ávarpaði Knesset í dag þar sagði hann m.a. að Bretar muni standa með Ísraelum í „baráttunni fyrir frelsi“.

    Hvaða frelsi Mr. Brown? Frelsi þeirra sem Ísraelar kúga, oka og ofsækja með stuðningi UK og fleiri vestrænna ríkja?

Brown ávarpar Ísraelsþing og aðvarar Írana

Þetta er smámál, hvaða læti eru þetta?

Við getum rétt ímyndað  okkur hvaða læti væru í gangi núna ef Palestínumenn hefðu skotið Ísraela í fótinn við yfirheyrslur.

En það er huggun að Ísraelsher er að rannsaka málið. Þegar hann rannsakar sjálfan sig verður  réttlætinu fullnægt, ekki spurning!

Skutu palestínskan fanga

Hjálp! Hjálp!

Ég rakst á þessa hjálparbeiðni og kem henni áfram.

Slóðin er hér.

 

Bjánalegasta leigubílaferðin

Tveir togarasjómenn íslenskir, (við erum ekkert að gefa það upp að þeir voru Skagstrendingar) voru eitt sinn á Costa del Sol á Spáni.

Nokkuð stíft voru barirnir stundaðir og ekki alltaf gerðar nákvæmar staðarákvarðanir. Þeir félagar voru eitt kvöldið á heimleið, vel slompaðir, af einhverjum barnum, veifuðu leigubíl og settust inn.

En þá kom babb í bátinn þeir mundu ekki fyrir sitt litla líf hvað hótelið þeirra hét. Eftir nokkurt fum, fát og vangaveltur segir annar þeirra svona uppúr sér „maður á hlera“. 

„Aaaha...“ segir þá leigubílstjórinn „... La Galera“, tók U beygju og lagði hinu megin við götuna og sagði „La Galera“ og það stóð heima þetta var hótelið.

Bjánalegasta bílferðin

Húsbílasmygl ???

Ekki er hægt að lesa annað út úr fyrirsögn fréttarinnar en að húsbílum sé smyglað til landsins. Ætla má að þeir hljóti að vera auðfundnir í farangri venjulegs fólks.

Annar handtekinn í húsbílasmygli