Fyrsta veirupest vetrarins lögst yfir - bóluefni aðeins fyrir útvalda

Ríkisstjórnin ætlar að auka álögur á ungt fólk, barnafjölskyldur og þiggjendur vaxtabóta til að stoppa að hluta upp í fjárlagagatið sem þeir bjuggu til m.a. með skattaniðurfellingunni á stórútgerðir og lækkun skatta hátekjufólks og  auðmanna. „Nýfengin“ skuldaleiðrétting verður fokin út í veður og vind löngu áður en menn geta hana höndum tekið.

Þessir dusilmenni leggjast yfir þjóðina eins og hver önnur veirusýking.  Íhaldspestin flæðir yfir samfélagið og leggst að venju harðast á þá standa höllum fæti og þá sem veikastir eru fyrir. Það lítur út fyrir að pestin verði óvenju skæð að þessu sinni og jafnvel viðvarandi, fái hún frið til að grassera.

En uppi á ríkisstjórnarbitanum  hafa auðmannspúkarnir komið sér vel fyrir og fita sig á verkum ríkisstjórnarinnar, vel varðir fyrir álögupestinni og eðlilegri samfélagsþátttöku.

 

Heilbrigðiskerfið fram yfir þróunaraðstoð

Er moldvarpan hetja eða skúrkur?

Spurningunni,  hvort tölvan sem fannst í Alþingishúsinu hafi verið notuð til njósna um þingmenn og þingheim, er enn ósvarað, þó líkurnar á því hafi aukist nokkuð við þessar síðustu fréttir.

Verulegar líkur eru á því tölvan hafi ratað inn í Alþingishúsið fyrir tilverknað innanbúðarmanns, eða konu! Miklar  líkur eru á því að það hafi hið minnsta verið með vitund einhvers í þinginu.

Þá er það stóra spurningin, hvort innanbúðarmaðurinn, ja eða konan,  sé skúrkur eða hetja?

 

Voru símar Alþingis hleraðir?

Hvar væri þessi þjóð á vegi stödd ef ekki væri fyrir breiðu bökin?

Ríkisstjórnarómyndin er með allt niður um sig, allar aðgerðir hennar eru eftiráreddingar, allt fellur á eindaga og svo bíta ráðherrarnir hattinn af skömminni með því að  kenna fyrri ríkisstjórn um yfirdrifinn aumingjaskapinn.

Stjórnin hefur verið tekin í bólinu í öllum málum nema einu. Það mál var ríkisstyrkurinn til ríkisómaganna í LÍÚ og annarra auðmanna. Þá voru hendur látnar standa fram úr ermum,  ekki var forsvaranlegt að draga það mál, svo „ómaga aumingjarnir“ þyrftu ekki að kvíða jólunum.

En jólin koma víst á sama tíma hjá öllum, þó liggur ríkisstjórninni ekkert á hvað varðar atvinnulausa enda eru þeir taldir standa ólíkt betur en aumingja ríka fólkið, sem hefur gengið í gegnum verulega skert lífskjör og upplifað tekjuhruuuuuun! 

Atvinnulausum var ekki greidd desemberuppbót þetta árið eins og í tíð fyrri stjórnar, sem hóf greiðslu uppbótarinnar aftur í sinni tíð. Þá hafði uppbótin ekki verið greidd frá því núverandi stjórnarflokkar afnámu hana 2005 og endurtaka núna þann ljóta leik. Allir fengu skattalækkunn nema lægsti tekjuhópurinn. Simmi silfurskeið og Bjarni barnungi vissu hvar breiðubökin var að finna.

Núverandi ríkisstjórnstjórn ber ekki ábyrgð á þessu klúðri   segir Eygló Harðardóttir velferðarráðherra og segir afstöðu sína í málinu alveg skýra. Ábyrgðina beri fyrri ríkisstjórn, sem lét undir höfuð leggjast að taka ákvörðun um uppbótina, fyrir núverandi stjórn, áður en hún fór frá.

Velferðarráðherra segist berjast innan ríkisstjórnarinnar fyrir lausn á málinu. Að þeim „bardaga“ loknum er sennilegast  að ríkisstjórnin taki gleiða Vigdísi Hauksdóttur á þetta og ákveði að greiða desemberuppbótina strax. Uppbótin kæmi þá til útborgunar fyrir jólin 2016 eða í lok kjörtímabilsins 2017.

Það þurfti engan bardaga  innan ríkisstjórnarinnar um milljarða bakfærslur til LÍÚ, þá gekk það átakalaust raunar ljúft og smurt að breyta ákvörðun fyrri ríkisstjórnar. Það var ekki gert  strax (nota bene) heldur samstundis. Í öllum öðrum málum hefur silfurskeiðastjórninni verið „algerlega ógerlegt“ að krukka í "ranglæti" fyrri ríkisstjórnar, eins og þeir lofuðu.

LÍÚ þjóðarómagarnir eiga auk þess von á tug milljarða makrílkvótagjöf á nýju ári frá þessari aumustu ríkisstjórnardruslu allra tíma.

 

Um helmingur styður ríkisstjórnina

Apaspil

Í Bandaríkjunum er hafin barátta fyrir mannréttindum apa.

Öfugt við Bandaríska apa þá njóta Íslenskir apar fullra mannréttinda, meira að segja töluverðra réttinda umfram venjulegt fólk.

Þeir fá t.a.m. laun, góð laun meira að segja, fyrir að ljúga og apast allan daginn, margfalt betri lífeyrisréttindi, allskonar hlunnindi og sporslur og svo mætti lengi telja.

Svo ofan í kaupið eru  íslensku aparnir kenndir við menn, þeir kallast stjórnmálamenn.

 

Vilja að apar njóti mannréttinda

Það er af sem áður var, núna er í lagi að borða forboðnu ávextina

Á síðasta kjörtímabili fann Gunnar Bragi ESB umsókninni allt til foráttu og taldi allt sem frá ESB kom vera af hinu illa og umsóknina vildi hann út í hafsauga. Hans fyrsta verk sem ráðherra var því að setja umsóknina á ís.

Þegar afleiðingar þess fara að koma í ljós ætlar ráðherrann alveg vitlaus að verða. Hann skilur bara ekki af hverju hann getur ekki haldið áfram að tína ávextina úr garði ESB, eins og ekkert hafi í skorist.

Ætli Gunnar Bragi hafi hugsað þessa snilld sjálfur? Nei það hafa húsbændur hans, sérhagsmunagæsluaðilar úti í bæ gert og sent á Gunnar með SMS. Að boði húsbóndans rýkur ráðherrann á lappir og gjammar sig hásan eins og hlýðinna rakka er siður. Viðsnúningur ráðherrans er því skiljanlegur.

Eins og opinbert er orðið er ráðherrann ekki sá þjónn þjóðarinnar sem hann gefur sig út fyrir að vera heldur fyrst og síðast senditík ýmissa hagsmunasamtaka t.a.m. LÍÚ mafíunnar. Mafíu sem vill fá og fær, þökk sé mönnum eins og Gunnari Braga, allt fyrir ekkert.

 

Viðsnúningur ESB óskiljanlegur

Með öðrum orðum...

...allir sem í framtíðinni kunna að hafa aðra sögu að segja en Simmi silfurskeið og Bjarni barnungi  um skuldabrellu ríkisstjórnarinnar munu ljúga!

Ykkur er óhætt að trúa Simma og Bjarna í þessum efnum, þeir eru ekki að skrökva, kunna það hreinlega ekki. 

 

Býst við áróðri kröfuhafa

Hrunadansinn í Hörpu

Vilhjálmur Bjarnason þingmaður Sjálfstæðisflokksins hefur þá ímynd meðal almennings að hann komi til dyranna eins og hann er klæddur, laus við fals og skrum og að hann láti ekki pólitík hindra sig í að segja sannleikann.

Vilhjálmur er ekki hrifinn af fyrirhuguðum skuldaaðgerðum og segir þær engan vanda leysa og skilja vestsetta fólkið eftir enn verr sett en áður. Vilhjálmur segir jafnframt að fjármögnun aðgerðanna sé alger óvissuferð. Í viðtali við RUV segir Vilhjálmur m.a.;

 

„Hinn hlutinn, hann kann nú að leiða til þess að hér verður ný kollsteypa, nýtt verðbólguskot, nýtt gengissig þannig að allir verða í verri stöðu eftir en áður. Ég set sérstaklega spurningamerki við þær afleiðingar sem mér voru kynntar síðast í gær þar sem þetta átti að vera nokkurn veginn á núlli, en það bara gengur engan veginn upp“.  

 

Ég held að velflestir trúi Vilhjálmi margfalt betur en Simma silfurskeið og Bjarna barnunga, svo ekki sé talað um alla  framfroðusnakkana og frjálshyggjubörnin  á blogginu sem eru hreinlega að rifna af hrifningu yfir sviknum loforðum leiðtogana.

Hrifningin mun víkja fyrir vonbrigðum þegar þjóðin áttar sig  á innihaldsleysi pakkans, rotnu kartöflunni, sem hún fékk í skóinn frá fyrstu jólasveinum ársins. Svo víkja vonbrigði þjóðarinnar fyrir reiði þegar hún áttar sig endanlega á því að erlendu "hrægammarnir",  sem þessir dónar sögðu að borguðu brúsann, reyndust vera  íslenskir skattgreiðendur þegar upp var staðið.

 

Mogginn þegir, eðlilega um ákúrur  Vilhjálms. Mogginn er annars  upptekinn við  afmælis- og reisuhátíð sína í Hörpu. Hvar hann fagnar 100 afmæli blaðsins án þess að þakka þjóðinni  5 milljarða afskriftirnar af skuldum eiganda blaðsins, svo þeir gætu haldið áfram að gefa þessa dásemd út, dansa sinn hrunadans.

Heiðursveislugestir og dansfélagar Moggans eru auðvitað Bjarni barnungi og Simmi silfurskeið sem trúa því enn að þeim hafi tekist að stinga endanlega upp í þjóðina.

Forgangs verkefni Moggans næstu daga verður hinsvegar að gera Vilhjálm Bjarnason tortryggilegan í augum lesenda blaðsins,  með öllum þeim meðulum sem tiltæk verða. Það verður ekki fallegt.

 

Hringnum lokað í Hörpu

Tískusýning í Hörpu

 

Í gær var haldin vegleg tískusýning í Hörpu, að henni stóð kosningaloforðasjóður Simma og Bjarna.

Sýnd var nýjasta línan af  nýju fötum keisarans. 

Greiðslubyrði lána lækkar strax

Dagur vonar

Dagurinn í dag er eflaust mörgum dagur vonar.

En verður vísast dagur vonbrigða.

Ráðherrarnir verða í beinni

Það sem aðrir mega vita en ekki við

Bresk stjórnvöld hafa samið við Íslensk stjórnvöld að þeim verði veittar upplýsingar um bankareikninga Breta hér á landi. Samningurinn var gerður til að auka upplýsingaflæði og gegnsæi að sögn fjármálaráðherra Bretlands, George Osborne.

Þetta er allt gott og blessað.

Hvernig væri að þessi sömu Íslensku stjórnvöld gerðu líka samning við Íslensku þjóðina og upplýstu hana hverjir eiga Íslensku bankanna og hverjir eru helstu kröfuhafar föllnu bankanna?

Eða er gegnsæi ekki fyrir heimska Íslendinga?

Upplýsa um bankareikninga Breta á Íslandi