Hvað er að gerast Siggi?

Ég bíð spenntur eftir bloggi frá Sigurði Haraldssyni , okkar fremsta skjálftafræðingi , til að vita hvaða skilaboð  til íslendinga  felast í þessum skjálfta.

 

Fólk fast í Tókýó

Ótrúleg staða

Það hefði einhvern tíman þótt geggjuð tilgáta ef ekki klár vísindaskáldskapur, hefði því verið haldið fram fyrir nokkrum árum, að sá tími rynni upp að Bandaríkjamenn yrðu algerlega upp á Rússa komnir með mannaðar geimferðir.

En svo undarlega sem það hljómar verður það samt staðreynd þegar geimferjan Atlantis lýkur sinni síðustu ferð í júní.  Endeavour fer sína lokaferð í apríl, en Discovery, sem er 27 ára gömul, er núna í sinni 39. og síðustu ferð, áætlað er að hún lendi eftir næstu helgi.

Eftir það eru Bandaríkjamenn algerlega háðir Rússum með mannflutninga til og frá  alþjóðageimstöðinni(ISS).

Bandaríkjamenn smíðuðu samtals sex geimferjur. Auk hinna þriggja fyrrtöldu var frumgerðin Enterprice, henni var aldrei skotið á loft, hún var aðeins notuð til prófana. Hinar tvær voru Challenger, sem sprakk skömmu eftir flugtak árið 1986 og  Columbia sem brann upp á leiðinni inn í gufuhvolfið árið 2003.  Þær fórust báðar með manni og mús, samtals  14 mönnum. 

Eiga ekki að óttast opinn geimferðamarkað

Hvernig er hægt að losna við Lenín?

Hvaða gagn er að því að jarðsetja Lenín? Er til einhvers að grafa smurt lík sem ekki rotnar?

 

Er ekki eina leiðin láta hræið á bálið og senda það þannig sömu leiðina og sálin fór?

   

Kjósa um hvort jarðsetja eigi Lenín

Já er það tilfellið?

Er það ekki magnað að það skuli aðeins taka vísindamenn nokkur ár að komast að sömu niðurstöðu og brjóstvitið og heilbrigð skynsemi segir venjulegu fólki?

 

Kjöt og mjólk úr klónuðum kúm í lagi

Happi úr hendi sleppt

Mikið eru íslenskir fjölmiðlar slappir, miðað við þá Bandarísku, að sleppa því að birta æsifrétt kringum þessa mynd að eldlaug hafi verið skotið úr Borgarfirðinum og henni miðað á......., ja á hvað ætli Borgfirskum eldflaugum sé miðað?

Sérstök skýjamyndun yfir Hvalfirði

Tímaflakkari að tala í farsíma 1928!

Það er makalaust bullið sem sumum getur dottið í hug og enn furðulegra hve margir kaupa svona vitleysu athugasemdalaust. Tímaferðalag er og verður aldrei annað er draumórar sem betur fer. Þá væru, ef að líkum lætur, milljarðar manna úr framtíðinni á stöðugu ferðalagi fram og aftur í tíma til að breyta forsendum framtíðar sér í hag. Þá hefði kreppan aldrei orðið, einhverjir væru búnir, í framtíðinni að fara aftur fyrir okkar tíma og breyta forsendum hennar.

En leyfum okkur að ímynda okkur að þessi kona hafi raunverulega hoppað aftur í tímann með símann sinn og verið að tala í hann, þá væntanlega við annan tímaflakkara!  Hvernig má það vera? Farsímar eru álíka gagnslausir til fjarskipta og maskari eða varalitur án móðurstöðva og fjarskiptanets. Ekkert slíkt símanet var til 1928 eins og flestir ættu að vita, hafi þeir á annað borð áhuga á því.

Talað í farsíma fyrir tæpri öld?

Frábært

Frábært, ekki þarf fleiri orð um þessa tækni.

 

Steig upp úr hjólastólnum

Nei, þetta er misskilningur

Það er mesti misskilningur að Úgandamenn líkist okkur, þeir standa okkur langtum framar á siðferðissviðinu, því þeir hafa verið öldungis ófeimnir að láta misheppnaða stjórnmálamenn axla sína ábyrgð, á tíðum á viðeigandi hátt.

 

Íslendingar líkir Úgandabúum

„Fischer has left the building“

Núna vantar aðeins kenningu um að dauði og greftrun Fischers hafi verið plat, rétt eins og meint andlát Elvis.  Því eins og allir vita var Elvis  „geimvera“ sem fylltist heimþrá, sviðsetti dauða sinn, og hvarf til síns heima.

Vill frekari DNA-rannsóknir vegna deilu um arf Fischers

Hér er Jarlinn

Á þessari síðu hér er hægt að fylgjast með fellibylnum Earl, slóð hans, stefnu og mismunandi spám um framvinduna.

Efst til hægri á síðunni er hægt að setja inn og taka út breytur.

 

Earl veldur usla í Karíbahafi