Það verður fróðlegt...

...að sjá gosið að hamskiptum loknum.

Leggst gosið í dvala við hamskiptin?

Er vitað hvenær þeim verður lokið?

„Gosið enn í sínum ham“

Góð frétt!

Enn ein fréttin á mbl.is um það eitt að ekkert sé að frétta af gosinu. Engar fréttir eru góðar fréttir.

Óbreytt ástand á gossvæðinu

Niðurstaðan er sem sagt sú...

... að ljúki gosinu ekki fljótlega þá muni það standa lengur. Segið svo að háskólamenntun borgi sig ekki.

Gosið gæti staðið lengi

Hver er munurinn á gosi og gosi?

Það er holt að horfa á þessa samantekt af hamfaragosinu sem varð í  Mount St. Helena 1980 til að sjá hversu smávægilegt og meinlaust þetta ferðamannagos á Fimmvörðuhálsi að sönnu er, að öllu óbreyttu.    

                              Nýtt!! Vefmyndavél við Fimmvörðuháls!!

Fá hraun og ösku á móti sér

Mjór er mikils vísir....

....en það eru töluverðar ýkjur að halda því fram að  þessi hóll sér orðin að sérstöku fjalli enn sem komið er. Landið á hálsinum hefur aðeins hækkað lítið eitt frá því sem áður var.  

Himmelbjerget þeirra Dana er uppá 147 metra hefur mátt þola ómældar háðsglósur og ekki hingað til verið talið til fjalla af mörlandanum.

Hvað nafngift varðar dettur mér í hug Kreppa eða Kreppuhyrna.

Nýtt fjall á Fimmvörðuhálsi

Röng frétt, leiðrétt, en flutt aftur röng 7 tímum síðar.

Í aukafréttatíma Sjón- varpsins í hádeginu var Bogi Ágústsson með Pál Einarsson jarðeðlisfræðing í viðtali. Meðan á því stóð var sýnd mynd sem tekin var úr gervihnetti og á henni mátti sjá svartan skugga sem lá til austurs frá gossvæðunum og sagt að gosmökkurinn hefði sést úr geimnum.

En Bogi og Páll áttuðu sig á því að þetta passaði hreint ekki því sterk austanátt var á sunnanverðu landinu og mökkinn hefði átt að leggja til vesturs á myndinni kæmi hann á annað borð fram.

Að auki er þessi svarti blettur allt of norðarlega þegar betur er að gáð til að tengjast gossvæðinu, þótt gosmökkurinn hefði ákveðið að fara gegn vindinum.

En svo bregður við að í kvöldfréttum Sjónvarps er myndin birt aftur og með fyrri fullyrðingu að hún sýni gosmökkinn séðan úr geimnum leggja til austurs á móti vindinum.

Það hlýtur að vera lágmarkskrafa að fjölmiðlar haldi ekki áfram að birta rangar fréttir löngu eftir að þær hafa verið leiðréttar.

Er allt gert fyrir dramað?

Flug með eðlilegum hætti

Kerlingin Katla

Öll gos í Eyjafjallajökli virðast vera formáli að Kötlugosi að sögn Páls Einarssonar jarðeðlis- fræðings. Þetta gos er þá líklega rétt eins og logandi kveikiþráður að stóru bombunni Kötlu.

Ekki eru til áreiðanlegar heimildir um öll gos í Kötlu frá landnámi svo erfitt er að segja nákvæmlega til um fjölda þeirra, en talið er að þau séu  um 20.

Tíminn milli Kötlugosa er mislangur, stystur um 13 ár, en nú er liðinn lengsti þekkti tími frá gosi eða 92 ár. Það er því ljóst að Katla kerla er komin á steypirinn. Kötlugos hafa varað frá hálfum mánuði upp í 5 mánuði og flest hafist á svipuðum árstíma.

Hætta af völdum Kötlugosa er fyrst og fremst tengd hlaupunum, en þar sem menn hafa staðsett byggð samkvæmt reynslu af fyrri hlaupum hafa í raun mun færri bæir eyðst af völdum Kötluhlaupa í gegnum tíðina en ætla mætti út frá stærð þeirra og hraða. Þar sem gjóskan getur borist um allt land hafa mun fleiri bæir farið í eyði af völdum hennar en flóðum, þar sem þau eru að mestu staðbundin, eðli máls samkvæmt.

Árið 1721 varð mikið gjóskugos í Kötlu ásamt gífurlegu jökulhlaupi, sem rann með svo miklum krafti til sjávar að mikil flóðbylgja sem myndaðist olli tjóni í Vestmannaeyjum, Þorlákshöfn og Grindavík.

 

Fátt er svo með öllu illt að ekki boði gott, það einnig við um gos í Kötlu. Mikil landeyðing hefur átt sér stað víða við Suðurströndina eins og við Vík í Mýrdal. Þar er ágangur sjávar og landeyðing af hans völdum slíkur að til vandræða horfir nema Katla gjósi fljótlega og færi fram ströndina með framburði sínum.

Gosið færist í aukana

Eldgos - mótun Íslands

Skemmtilegar klippur um mótun Íslands

 

Maður veit ekkert hvernig þetta fer

Mun Eyjafjallajökull kjósa... ehh... gjósa á morgun?

Það skyldi þá ekki fara svo að Eyjafjallajökull vakni  á morgun af 187 ára svefni sínum og taki þannig, á sinn hátt, þátt í þjóðaratkvæða- greiðslunni.

Fari svo þarf ekki að efa að margir muni túlka slíkt brölt í fjallinu ýmist með eða móti Icesave, ríkisstjórninni og hverju því sem henta þykir.

.

Fyrsta háskastigi lýst yfir

Æ,æ,æ mikil ósköp

Týndi hlekkurinn er þá áfram týndur, vonandi þó ekki tröllum gefinn.

 

Ida ekki týndi hlekkurinn