Konan var sem sagt svipt...

...ökuréttindum fyrir að fara of snemma af stað en ekki fyrir að aka drukkin. Það borgar sig ekki að vera snemma í því,  og þá ekki „í því“. 

 

Svipt ökuréttindum eftir að hafa farið of snemma af stað

Taser startbyssur

Ætli lögreglan hafi ekki einfaldlega ætlað að „skjóta honum í gang“ aftur þegar hún beitti rafbyssunni á kauða. 

 

Ég þjáist af gáttatifi og ef ég ætti svona töfratæki gæti ég „skotið“ mig sjálfur í stað þess að fara á sjúkrahús til þess.

 

Lögregla beitti rafbyssu

Lögreglan auglýsir eftir....

....fullsnyrtum og vellyktandi nátthröfnum.

Unnu skemmdarverk og stálu snyrtivörum

Ástþór Magnússon þjófkenndur.

Í þessari frétt  hefur Einar Bárðarson dregið verulega í land í yfirlýsingum frá því hann fullyrti fyrr í dag á vísir.is að Ástþór Magnússon og menn frá Lýðvarpinu hefðu verið að verki.

Það er betra að vera viss þegar svona ásakanir eru settar fram. Þótt Ástþór karlinn sé ólíkindatól er óþarfi og ekki stórmannlegt að þjófkenna hann opinberlega að órannsökuðu máli.

Útvarpssendi Kanans stolið

„Aðgerð“ eða skemmdarverk?

Verður fleirum en mér hugsað til svokallaðra „Aðgerðasinna“ sem mært hafa skemmdarverk af öllum toga og mælt fyrir notkun þeirra í ríkum mæli?

Væntanlega eru þessir "Aðgerðarsinnar" efstir á viðmælendaskrá Lögreglunar.

  

Rannsóknarteymi skipað

Getur eitthvað verið kjánalegra?

Fyrir það fyrsta er það umhugsunarvert, svo ekki sé meira sagt, að fangar með langa og alvarlega dóma á bakinu fái eftirlitslaust „leyfi“ til að skreppa í bæinn.

Enn undarlega er að þeir haldi sínum vegabréfum og landamærin séu þeim ekki lokuð fyrr en formlega er ljóst að þeir hafi strokið. 

Þetta þættu kjánalegar uppeldisreglur hvað þá til að hemja glæpamenn.

Getur heimskan verið meiri?

 

Reglum breytt vegna Guðbjarna

Enga Vítispúka hingað.

Það er vissulega átakanlegt ef lög eru brotin á löghlýðnu og friðelskandi fólki. Því er það skiljanlegt að lögmanni  Vítispúkans sé verulega misboðið, því skjólstæðingur hans hefur, að sögn lögmannsins, hreina sakaskrá á Íslandi, þótt því sé víst ekki að heilsa í Noregi.

Ég hefði talið að lögmaðurinn ætti að fagna þeim ásetningi Íslenskra stjórnvalda að sakavottorð skjólstæðings hans verði áfram hreint á Íslandi.

Vísa Vítisengli úr landi

Dæmir Héraðsdómur Suðurlands ekki eftir lögum?

 Héraðsdómur Suðurlands dæmdi í dag tæplega fertugan karlmann í átta mánaða skilorðsbundið fangelsi fyrir að hafa haft í tvígang samræði við 13 ára gamla stúlku í september í fyrra. Þá er honum gert að greiða stúlkunni 400.000 kr. í miskabætur og 697.000 kr. í sakarkostnað. 

Í 202. gr. Almennra hegningarlaga segir:  „Hver sem hefur samræði eða önnur kynferðismök við barn, yngra en 15 ára skal sæta fangelsi ekki skemur en 1 ár og allt að 16 árum. Lækka má refsingu eða láta hana falla niður, ef gerandi og þolandi eru á svipuðum aldri og þroskastigi......“.

Ég veit auðvitað ekki hvernig tímatalinu er háttað í Héraðsdómi Suðurlands, en síðast þegar ég gáði þá töldust vera 12 mánuðir í einu ári. Nema rétturinn sé að nýta sér þá heimild til refsilækkunar að fertugur maðurinn teljist vera á svipuðum aldri og þroskastigi og barnið.

Dómurinn metur miska- og skaðabætur stúlkunnar  hæfilega metna   4/7, eða rétt rúmlega helming  af  þeirri upphæð sem lögfræðingar og dómskerfið telja hæfileg gjald fyrir sína aðkomu að málinu.

 

Dæmdur fyrir að hafa haft samræði við 13 ára barn

Hvaða helv. ....

.....bull er þetta.

Hvað svo, Dirty Harry magnum .44?

Lögreglan á Austurlandi vill líka fá Taser valdbeitingartæki

Hvað er fólkið að meina?

Á lögreglan að hringja á undan sér þegar handtaka stendur fyrir dyrum og biðja þann sem handtaka á að gera ráðstafanir til að hvorki börn eða viðkvæmir verði vitni að handtökunni?  

Hvaða endemis bull er þetta?

„Amma þetta er allt mér að kenna"