Kunnugleg vinnubrögð

Ætla mætti að sömu aðilar og rannsökuðu Guðmundar og Geirfinnsmálin hafi komið þarna við sögu.  

179 stungur sagðar vera sjálfsmorð

„Með lögum skal land byggja“

Ætli lögreglan að standa undir nafni og sínum einkunnarorðum eiga þeir yfirmenn lögreglunnar sem bera ábyrgð á þessum málum að víkja úr embætti nú þegar.

Um það eiga þeir ekkert val, annars verður lögreglan vart marktæk sem slík.

En kannski er það aukaatriði í augum Ríkislögreglustjóra, geti hann lafað á sínu embætti, og boðað lýðnum að fara að lögum, hvar hann situr borðalagður í bak og fyrir í sínum fílabeinsturni.

Lögreglan brýtur lög

Þeim svíður sem undir mígur

Æ,æ, er angaskinnið hann Breivik leiður og ósáttur með einangrunina í gæsluvarðhaldinu?

Það er ljótan ef karl tuskunni finnst hann órétti beittur.

.

 

Vill vera viðstaddur réttarhaldið

Sala á þessum efnum er ekkert annað en tilraun til morðs

Dauði ungu konunnar um helgina, vegna neyslu á svo kölluðu PMA efni, er slíkur hörmungaratburður að ekki má undir höfuð leggjast að gera strax allar þær ráðstafanir sem til þarf að slíkt endurtaki sig ekki.

Það er alveg klárt í mínum huga að þeir sem útveguðu, eða seldu, ungu konunni efnið, myrtu hana, þó vopnið hafi ekki enn verið að lögum skilgreint sem morðvopn.

Núna reynir á Alþingi, lögum þarf að breyta strax á þann hátt, að þeir sem flytja inn svona efni og selja, eigi ekkert minna en ákæru um tilraun til manndráps yfir höfði sér og morðákæru ef þannig hefur viljað til.

Það þýðir ekki að segja að seljendur og innflytjendur efnisins hafi ekki vitað um skaðsemi þess eða beri ekki ábyrgð á afleiðingum af neyslu þess.  Skaðsemi efnisins og dauðsföll af þess völdum er löngu ljós af fréttum erlendis frá, sala þess er dauðans alvara.

Fyrir þá sem ætla að væla um mannréttindi til varnar þessum dauðans þrælbeinum, er því til að svara að, þetta eru ekki menn heldur skepnur, sem réttast væri að „fjarlægja“  með þeirra eigin meðulum.

  

Á annan tug yfirheyrðir

Í hár saman

Þjófarnir hafa vitað upp á hár hverju þeir ætluðu að stela og farið í hár saman, í bókstaflegum skilningi.

 

Stálu hári

Aumt er það í Svíþjóð, en aumara hér

Aðeins þriggja ára fangelsi  fær þessi sænski viðbjóður fyrir ítrekaða misnotkun á fimm ára stúlku, sem konunni hans, dagmömmunni, var treyst fyrir.  Mann fýlan var að auki dæmd til að greiða fórnarlambinu 130.000 sænskar krónur í skaðabætur, eða 2.370.000,- íslenskar!

Þótt þessi sænski skíthæll sleppi býsna vel hefði hagur hans verið enn betur tryggður hefði hann brotið af sér hér á landi, því íslenska dómskerfið hefði talið dóm hans hæfilegan eitt til tvö ár, með lausn eftir níu til 18 mánuði og dæmt hann til greiðslu einhverra örfárra hundrað kalla, ef misnotkunin hefði á annað borð verið metin til fjár.

Aumir eru Sænskir, en í við tökum þeim fram í þessu sem öðru, enda í hverju skerum við Íslendingar okkur ekki úr?

Misnotaði barn sem var í pössun

Góð ákvörðun og gáfuleg...

...hjá Ögmundi,  um það þarf ekki fleiri orð að hafa.

 

Lögregla fær ekki rafbyssur

Skúrað og skrúbbað

Allt málið er víst misskilningur frá upphafi til enda. Við lestur yfirlýsingar Sveins Andra breytist ímynd Jóns Hilmars  úr forhertum skalla í glimmerglansandi Maríu Theresu.

Maður tárast yfir því ranglæti sem þessi maður er beittur og reiðist illsku og mannvonsku lögreglunnar að reyna að sóða út þennan gangandi engil.

Sveini Andra ber að sjálfsögðu sú skylda að verja sinn skjólstæðing og beita öllum hugsanlegum lagaklækjum til þess. Sú vinna á ekki að fara fram í fjölmiðlum heldur fyrir dómi og þar verður Jón Hilmar dæmdur eða sýknaður.

Þessi árátta Sveins Andra að reka málin í fjölmiðlum, skúra og skrúbba sína skjólstæðinga með sápu og sótthreinsandi, er undarleg  en afskaplega skiljanleg í ljósi landsþekktrar sjálfsvitundar lögmannsins.

  

„Jón blessunarlega laus við fordóma"

Ólík örlög

Hundur beit dreng í fótinn í Mosfellsbæ í gærmorgun og ekið var á stúlku í Hafnafirði. Ekki var um alvarleg meiðsl að ræða, sem betur fer.

En ólíka afgreiðslu fá þessi mál, hundinum verður lógað en bifreiðin fær að lifa.

Hundur beit dreng

Tekjutengjum sektir.

Það þarf að taka það til alvarlegrar athugunar að tekjutengja sektir hér á landi og skilyrðislaust að lögleiða heimild til að gera bifreiðar upptækar við alvarleg og ítrekuð brot.

 

Á 290 km hraða