Hvenær kaupir maður drátt og hvenær kaupir maður ekki drátt?

Madonna er að leita að íbúð í nánasta nágrenni við villuna sína handa kærastanum Jesus. Svona fjaríbúð.

Hún virðist ekki hafa hugsað sér að láta Jesus lulla að staðaldri hjá sér en vill gjarnan hafa hann í göngu færi, þurfi náttúran sitt.

Madonna er sögð vera mjög góð við þetta „gæludýr“ sitt og hleður á það gjöfum og góssi.  

Því er ekki að neita að orðið vændi kemur upp í hugann þegar bráðungar stúlkur eða strákar hoppa upp í rúmið hjá  rígfullorðnu fólki sem  gæti verið afar þeirra eða ömmur, en á undantekningarlítið gras af seðlum.

Það kann að vera að ást ráði ferðinni hjá hinum 23 ára gamla Jesus þegar hann skríður upp í hjá hinni 51 árs gömlu Madonnu, en ég efa að ástin sé á henni blessaðri, nema þá óbeint.

Gefur kærastanum 340 millj. kr. íbúð

Vonandi hefur stúlkukindin ekki verið ráðin...

... vegna þess hvers dóttir hún er, heldur vegna þess að hún hafi eitthvað á milli eyrnanna. 

Við skulum vona að hún hafi það, en ljóst má vera að það getur hún ekki hafa fengið frá föður sínum.  

Það ætti að vera vandalítið fyrir stúlkuna að verða föðurbetrungur.

Forsetadóttir á skjáinn

Sannarlega einstæð og ...

...ótrúleg stórfrétt.  Hvern hefði nú grunað samhengið í þessu?

Eða eins og konan sagði „...það sem aldrei hefur komið fyrir áður, getur alltaf gerst aftur.“

.

.

Gleymdi að taka pilluna

Staðlaðir fangaverðir?

Samkvæmt meðfylgjandi mynd af Amitjo Kajla þá fellur hún sannarlega ekki inn í þá kvenfangavarðar staðal ímynd sem gjarnan notuð er í Hollý kvikmyndum.

Þar er formið lágvaxin þrekin kona, gjarnan svört og með sitjanda  í gríðarlegri yfirstærð.

. 

Var hún of falleg fyrir fangelsið?

Það er alveg nýtt...

...að það sé kölluð sjálfhelda að festa bíl í snjó.

Svo var „sjálfheldan“ ekki meiri en svo að þeir sem voru hjálparþurfi gátu hringt eftir aðstoð.

En þetta er bara Mbl.is. Vonandi að blaðamenn þeirra lendi ekki í sjálfheldu með svona fréttaflutningi.  

 

Ferðalangar í sjálfheldu

Sparnaðartillaga, allrar athygli verð.

Í símatíma á útvarpi Sögu í morgun kom hlustandi með hugmynd, sem er allrar athygli verð, til sparnaðar hjá ríkinu.

Stórfé mætti t.d. spara í fangelsismálum. Í stað rándýrrar vistunar í yfirfullu fangelsi, mætti gera mönnum þá refsingu fyrir afbrotin að þurfa daglega að hlusta á upptökur af pistlum Jóns Vals Jenssonar á útvarpi Sögu.

Þetta er óvitlaus hugmynd sem hægt er að framkvæma með tiltölulega einföldum búnaði. En til að þetta flokkist ekki undir pyntingar má dagleg spilun ekki vara nema nokkrar mínútur.

Það mun án efa halda mönnum á sporinu, eigi þeir von á að fá Jón Val í eyrað fyrirvaralaust, bregði þeir út af.

Því miður fann ég ekki betri mynd af Jóni, vona að mér fyrirgefist það.

Algert afturhvarf

Það verður gaman að sjá endurgerðina á framtíðarþrillernum Total Recall. Frummyndin þótti velheppnuð sem slík, en hún var barn síns tíma og hefur ekki elst sérlega vel.

Endurgerðir kvikmynda eru erfitt verkefni. Það er alltaf spurning hvort fylgja eigi þræði eldri myndarinnar eða víkja frá honum.

Ef vikið er í grundvallaratriðum frá frummyndinni  þá getur farið svo að áhorfendur hreinlega hafni nýju myndinni, þótt vel kunni að takast til, af því þeir eru of fastir í formi fyrri myndarinnar.

Þannig hefur farið með marga myndina sem gerð hefur verið eftir frægum skáldsögum en eiga svo nánast ekkert sameiginlegt með bókinni nema nafnið.

En við skulum sjá til..... 

   

Total Recall endurgerð

Frestur er á illu bestur

Ég hef aldrei skilið hvernig stendur á því að þeir sem halda skepnur og staðnir eru að illri meðferð þeirra fái ítrekað frest til úrbóta og jafnvel frest á frest ofan.

Það er deginum ljósara að sé ástand dýra með þeim hætti að ástæða sé til afskipta, þá er það eitthvað sem ekki byrjaði í gær.

Vannærð og illahaldin dýr þurfa ekki frest, þau þurfa tafarlausar úrbætur og aðra umalendur.

Athugasemdir við aðbúnað hrossa

Sóðalegt sjálfsmorð

Frekar hrollvekjandi aðferð til sjálfsvígs, en leiðir örugglega til þeirrar niðurstöðu sem stefnt er að. 

Vonandi gilda ekki svipaðar verklagsreglur í Danmörku og hér á landi og dýrin verði látin gjalda þessa óyndisverks mannsins.

Það er ófrávíkjanleg venja hér á landi í tilvikum sem þessum að dæma dýrið til dauða, einu gildir  þótt dýrið sé í raun fórnarlambið.

Hundar sem bíta frá sér eða glefsa, sér til varnar, eru án undatekninga aflífaðir.Engar málsbætur eru teknar gildar og gildir einu þótt hundurinn hafi legið undir miklu og alvarlegu áreiti af hendi þess „bitna“. 

 Jafnvel þótt sá „bitni“ hafi boðið sjálfum sér inn á lóð hundsins, þar sem hann var tjóðraður, í þeim tilgangi einum að atast í hundinum. 

 

Framdi sjálfsvíg í tígrisdýrabúri

50 ár í sveiflunni

Menn geta auðvitað haft mismunandi skoðanir á hljómsveit  Geirmundar  eins og gengur og gerist en vinsældir hennar hafa alla tíð verið slíkir að undrun sætir. Það er engin einföld skýring á þessum vinsældum, það er bara  „þetta eitthvað“ sem hreyfir við hjörtum fólks og snertir strengi.

Þeir eru ófáir dansleikirnir, frá 1972, sem undirritaður hefur sótt þar sem Hljómsveit Geirmundar lék fyrir dansi. Hljómsveitin var trygging fyrir fullu húsi, hvort sem það var í félagsheimilinu í Varmahlíð, Húnaveri,  Fellsborg eða Bifröst.

Enginn hljómsveit önnur hefur jafn breiðan aðdáendahóp, allir aldurshópar dá Geirmund, unglingar jafnt sem afar og ömmur.

Tónlistarferill Geirmundar spannar nú full 50 ár og honum er hreint ekki lokið. Skagfirska sveiflan lifir.

Geirmundur með þjóðinni í 50 ár