Manninum varð....

....fótaskortur á tungunni.

Skar úr sér tunguna og dansaði

Verður Mogginn aftur skítlegt flokksblað?

Ólafur Þ. Stephensen er eðlilega ekki sáttur við brottrekstur sinn af Mbl.  og þótt  ástæða brottrekstursins  hafi verið varfærnislega orðuð  sem „mismunandi áherslur varðandi ritstjórn og rekstur Morgunblaðsins“,  þá fer ekki á milli mála að bullandi ritstjórnarlegur ágreiningur hefur verið milli „eigenda“ og ritstjóra.

Fullvíst verður að telja að núverandi eigendur vilji gera blaðið aftur  að hreinu flokksblaði og málgagni Sjálfstæðisflokksins.  Ekki kæmi á óvart að næsti ritstjóri blaðsins yrði atvinnuleysingi sem starfaði lengi í „tukthúsinu“ við Lækjargötu  og hafði síðast aðsetur á Svörtuloftum.

Ólafur kvaddi starfsmenn Morgunblaðsins

Lifði af lendinguna eftir fallið.

Það er í sjálfu sér ekki nein frétt þótt menn lifi af 60 metra fall eða jafnvel nokkur þúsund metra fall ef því er að skipta. 

Öðru máli gegnir þegar menn lenda í enda fallsins þá geta menn farið illa og orðið fréttamatur, ef ekki er notaður neinn búnaður til að draga úr fallinu og mýkja lendinguna.

Nær undantekningarlaust lifa menn fallið sjálft af, það er lendingin sem banar mönnum.

Lifði af 60 metra fall

Leitt undir Knút.

Ákveðið hefur verið að útvega hinum þekkta Ísbirni, Knúti hinum krúttlega, maka.

Birnan sú mun víst vera af Ítölskum ættum að sögn mbl.is. Já, já, af Ítölskum ættum, aðalsættum vonandi.

Í minni dýrafræði voru ísbirnir „ættaðir“ frá norður heimskautssvæðinu.

En það kann að hafa breyst eins og nánast allt annað.

Kúturinn Knútur fær kærustu

„Saving Iceland“ vekur Friðriki Sophussyni samúð.

Í yfirlýsingu frá skemmdarvörgunum segir að þau vilji líf sín, frelsi og náttúru til baka!  Það hyggjast þau gera með því að skvetta málningu og líma hurðir fastar.

Ekki er að sjá af næturvinnu þess óþokkaliðs að þau hafi verið svipt lífi eða frelsi, enn sem komið er, en náttúrulaust er þetta pakk örugglega orðið í þrengstu merkingu þess orðs.

Að skvetta málningu er eitt en að líma hurðir fastar er klár glæpur. Hugsum okkur ef upp hefði komið eldur í húsinu og á örlagastundu hefði ekki verið hægt að flýja út um dyr hússins, því hurðir sátu fastar.

Þetta næturverk hefur ekki fært þetta ógæfulið nær yfirlýstum markmiðum sínum heldur aðeins fullnægt um tíma sjúklegri skemmdarfíkn þessa rumpulýðs.

Dyr límdar aftur og málningu slett

Þjóðhátíðarstemming á þjóðhátíð!

Þó það nú væri.

Þjóðhátíðarstemming í Eyjum

Kviðristubarn??????

Óhuggulegur atburður, barn skorið burt og rænt úr móðurkviði og mbl.is kallar barnið kviðristubarn.....! Er barnið morðingi, skar það sig út sjálft?  

Kviðristukobbi fékk nafngift sína af því hann drap gleðikonur og risti upp, en ekki af því að hafa sjálfur verið ristur úr móðurkviði.

.

.

 

Kviðristubarn fundið í Bandaríkjunum

„Svínaflensu“ þráhyggja fjölmiðla

 A(H1N1) flensan, sem er rétt eins og aðrar inflúensur, er orðin að svo magnaðri  þráhyggju hjá fjölmiðlum að undrun sætir.  

Daglegar fréttir eru fluttar, 18 tilfelli hér, 11 greindir þar, 24 smitaðir víðar, margir veikir allstaðar o.s.f.v.  

Flensan er greinilega víðar en hjá fleirum eins og konan sagði.

Og nú til að kóróna dramatíkina þá kom 54 ára gamall bandarískur ferðamaður smitaður til Íslands  15. júlí sl. og hugsið ykkur 7 ára gamall drengur kom smitaður frá Bretlandi 17. júlí sl.  

Væri ekki rétt að taka smá frí frá þessu bulli? 

18 greindir með svínaflensu

Skiptir það máli......

.....hverslenskir farþegarnir voru?

Breytir það vægi slyssins og frétta af því?

Dönsk kona um borð í vélinni