Tilræði

Til hvers er RUV að eyða milljónum í Eurovision ef markmiðið er að lágmarka áhorfið?

Að setja Gísla Martein í þularstarfið er beint tilræði við þetta annars vinsæla dagskrárefni.

 

Gísli Marteinn mun kynna Eurovision

Þverrandi lyst á list

Nokkur umræða hefur verið undanfarna daga um rithöfundarlaun og útdeilingu þeirra. Umræðan hefur verið nokkuð á einn veg þótt sitt sýnist hverjum.

Að mínu mati á fyrirkomulag eins og rithöfundarlaun fullan rétt á sér en fráleitt í þeirri mynd sem fyrirbærið er rekið í dag. Mig grunar að þeir sem, á sínum tíma, komu þessu kerfi á hafi ekki hugsað sér kerfið rekið með þeim hætti sem gert er í dag.

Líklegra er að þeir hafi hugsað það til hjálpar ungum og efnilegum listamönnum til sjálfbærni. Svo er að sjá að þeir listamenn sem helst eru sjálfbærir í sinni list, séu og hafi verið áskrifendur af þessum „atvinnuleysisbótum“ listamanna.

Eðlilegt er að laun til listamanna væru, eins og í hinu almenna atvinnuleysisbótakerfi, greidd þeim sem litlar eða engar tekjur hafa af sinni listsköpun en ekki þeim sem nægar tekjur hafa og eru fullfærir að lifa af sinni list.

Í almenna atvinnuleysisbótakerfinu falla menn af bótum eftir tvö og hálft ár hvernig sem aðstæður bótaþegans eru , engin miskunn þar. Skilyrt er að bótaþegi tilkynni mánaðarlega að hann sé virkur í atvinnuleit og hver króna sem bótaþeginn vinnur sér inn er dregin frá bótum.

Eðlilega.

Ekkert slíkt þak eða skerðingarákvæði er á þessum svokölluðu listamannalaunum, ekki er spurt hvort eftirspurn sé eftir listsköpun viðkomandi. Ekki er gerð krafa um lágmarks framleiðni styrkþega eða þá að viðkomandi sinni listsköpun yfir höfuð.

Er það eðlilegt?

Nefna má dæmið um „listamanninn“ sem kjörinn var á Alþingi, sjálfgefið þótti að hann hélt sínum heiðurslaunum óskertum þótt hann væri á sama tíma á ríflegum launum hjá ríkinu sem þingmaður.

Ýmislegt bendir til að ákveðið krosstengsla tryggingarkerfi hafi myndast varðandi úthlutun nefndra listamannalauna, án þess að fullyrt sé nokkuð í þá veru.

Svona "listileg" meðferð á almannafé er sannarlega ekki til þess fallin að auka lyst almennings á list.

 

Óeðlið í kassanum

Rúmast það innan ramma laganna og almennrar siðferðisvitundar að míga, skíta og runka sér opinberlega undir yfirskyni listgjörnings?

Eflaust er það bara skortur á listskilningi hjá öllum þorra almennings að amast við iðju flassara og annarra óeðlisgemsa, þeir eru auðvitað, þegar betur er að gáð, aðeins að stunda og útbreiða list sína.

Það er að mínu mati merki úrkynjunar að kalla þetta óeðli í kassanum list.

#Nakinníkassa kastaði upp

Túttur og önnur tól

Skaufi skaut upp „kollinum“ á Austurvelli í dag, mitt í öllu brjóstaflóðinu.

Konur sem þrá ekkert meira en að sýna á sér brjóstin, gátu auðvitað ekki unað þessu frelsisframtaki skaufans og kvörtuðu því undan.

Því varð frelsisunandi skaufinn að fara aftur í felur bak við fordómana og þorir sig vart að hreyfa um hríð.

Ekki er sama túttu- og annað tólafrelsi eðlilega – eða hvað?

Beraði kynfæri sín á Austurvelli

Smánarleg sekt

„Listamaðurinn“ sem „nauðgaði“ hvernum Strokki með litagjörningi sínum og gerðist þannig brotlegur við náttúruverndarlög segist ekkert skilja í látunum – „hann hafi farið mjög varlega“ við nauðgunina og verið mjög meðvitaður um ætlað samþykki hversins og sennilega hafi Strokki bara þótt þetta gott.

Svo er íslenskri náttúru sýnd engu minni óvirðing af íslenskum yfirvöldum sem meta þessa nauðgun hversins á skitnar hundrað þúsund krónur!

Skilaboðin sem yfirvöld senda með þessu eru skýr. Hingað geti fólk komið erlendis frá og gert það sem þeim sýnist í Íslenskri náttúru, gegn smánargjaldi sem verði jafnvel, ofan í kaupið, ekki innheimt.

Evaristti frjáls ferða sinna

Fataleysi?

Sennilega hefur ekki verið búið að sauma á Hreiðar og Sigurð nýju grófteinóttu Hraunmani jakkafötin og þeir því orðið að sitja "heima".

Hreiðar og Sigurður mættu ekki

Ekkert skaup í ár?

Veit einhver af hverju Sjónvarpið var ekki með neitt áramótaskaup í ár, varð það niðurskurði að bráð?

 

Ætla hraunavinir ekkert að gera í málinu?

Ætla hraunavinir ekki að koma stormandi og bjarga „ómetanlegu“ hrauninu við Bláalónið áður en það verður eyðilagt og lagt undir mannvirki?

Eða þarf hraunið að hafa ratað á Kjarvalsmynd, sem er alveg sama hvernig snýr, til að vera merkilegt í augum þeirra beturvitrunga?

 

Lyftu fyrstu hraunhellunni

Heyrst hefur....

....að Norðmenn muni hafa sama háttinn á með jólatréð, sem Osló "gefur" Reykjavík,  og morðtólin sem Haraldur Jóhannessen ríkislögreglustjóri óskaði sér í jólagjöf.  Norðmenn munu að sjálfsögðu senda reikning  eftir jólahátíðina og innheimta gjöfina fullu verði.

Gaman væri ef Hólka Halli gæti leyst nokkrar af „gjafa“ byssunum úr tollinum og lánað borginni til að hengja á tréð, svo sameina megi anda jólanna og friðarboðskap morðtólanna sem best.  

Byssurnar væru þannig, hvorutveggja í senn, skraut og áminning til allra óþjóðhollu einstaklinganna, sem nafngreindir eru í Geir Jóns skýrslunni, hvers sé að vænta hugsi þeir sér að nota Austurvöll og tréð til einhvers annars en sé guðlegum valdhöfunum þóknanlegt.

Oslóartréð fundið!

Ekkert...

...má nú orðið.

Stóð nakinn við glugga og snerti sig