Er skóbúnaðurinn Sigmundi enn fjötur um fót?

Sigmundur, silfurskeiðar anginn, hefur ekki fundið samstæða skó  og því hætt við að fara til Parísar. Minnugur þess að hann hefur áður orðið að athlægi fyrir skóbúnaðinn um alla Evrópu.

Þekktist ekki boð Frakka

Magnaður skemmtikraftur.

Ég í tvígang notið leiðsagnar og fararstjórnar Jörundar Guðmundssonar í dagsferð frá Tenerife til La Gomera. Ferðirnar voru ógleymanlegar og stórbrotnar skemmtanir frá upphafi til enda. Þær voru óteljandi persónurnar sem Jörundur túlkaði í ferðinni og gerði að þátttakendum í ferðunum.   

En fararstjórn Jörundar hafði afleitan galla, óhjákvæmilega og illvíga strengi í magavöðvunum, eftir allan hláturinn.

Takk fyrir frábærar ferðir Jörundur!

 

„Mest fíflagangur framan af“

Hafnaði boði um lúxusdvöl á Íslandi, kjáninn sá arna

Flugdólgurinn hefði betur þegið boð flugstjórans að verða settur af á Íslandi. Hér hefði hann fengið nokkurra mánaða dóm (ef þá nokkurn), skilorðsbundinn að mestu eða öllu, auðvitað. Og svo að sjálfsögðu vinalegt klapp á bakið við brottför eftir stutta dvöl á 5stjörnu hóteli ríkisins.  

En nú bíður hans allt að tuttugu ára gisting  vestra í híbýlum og aðbúnaði, sem trúlega uppfyllir ekki Íslenskar kröfur um ýtrasta íburð og þægindi slíkra gististaða.

Flugdólgi hótað með Íslandi

Lending á fugli

Það er æði misjafnt hvað flugvélar þurfa langa flugbraut til lendinga og flugtaks. En að ná að lenda flugvél á fugli verður að teljast til meiriháttar afreka, hvað þá á svona stórri flugvél.

SAS-vél lenti á fugli

Hve lengi á að treysta á heppnina?

Ætla mætti að Samtök ferðaiðnaðarins hefðu áhyggjur af fréttum af tíðum slysum á erlendum ferðamönnum, en af þögninni og aðgerðaleysinu að dæma virðist svo ekki vera.

Hingað til lands kemur árlega töluverður fjöldi erlendra langferðabíla fullir af fólki og bæði bílstjóri og fararstjóri erlendir.  Ekki virðast gerðar hinar minnstu kröfur til fararstjóra og bílstjóra slíkra bíla um lágmarksþekkingu á landinu og aðstæðum. Erlendir fararstjórar virðast ekki þurfa að vita meira um Ísland og aðstæður hér en bakhliðina á Tunglinu. Þeir eru jafnvel vart mælandi á ensku eða öðru algengu alþjóðatungumáli.

Annað hvort verður að gera sömu kröfur til þeirra og innlendra fararstjóra eða hreinlega gera þá kröfu að fararstjórar erlendra hópferðabíla séu Íslenskir sé farþegafjöldin t.d. meiri en 10 til 15 manns.  

„Þau voru mjög heppin“

Allt fyrir frægðina

Vonandi kemur barnið heilt heim úr þessari háskaför. Það er með ólíkindum hve langt sumir eru tilbunir að ganga til að geta baðað sig í sviðsljósinu um stund.  Það er ofar mínum skilningi að fólk sé tilbúið að leggja líf barnanna sinna að veði, í rúllettu sem þessari, fyrir stundar frægð.

 

En síðasti asninn er ekki enn kominn fram á sjónarsviðið þannig að fljótlega má vænta þess að 12 ára gömlu barni verði, af frægðarsjúkum foreldrum, att á foraðið, til að slá þetta heimskulega met.

  

14 ára í hnattsiglingu

Keyrt og drukkið til skiptis

Þessi frétt minnir mig á sögu sem ég heyrði fyrir margt löngu um tvo félaga í Reykjavík sem ætluðu á útihátíð austur á landi. Þeir gátu ómögulega komið sér saman um hvor þeirra ætti að keyra á útihátíðina,  því báðum langaði til að byrja drykkjuna strax.

Eftir nokkurt þref duttu þeir félagarnir niður á það þjóðráð að skiptast á um að keyra og drekka klukkutíma í senn, sem þeir og gerðu.  Sagan segir að þeir hafi með þessu fyrirkomulagi náð austur undir Kirkjubæjarklaustur þar sem ökuferðin endaði út í hrauni, blessunarlega án slysa á mönnum eða búfénaði.

Gildum ökuskírteinum mun hafa fækkað um tvö í þarna í hrauninu.

Tveir dópaðir á sama bílnum

Þrjú hjól undir bílnum.....

Nú styttist í verslunarmannahelgina sem er ein stærsta ferðahelgi ársins og þá er vissara að bíllinn og allur búnaður hans sé í sem bestu lagi.

Þó flestir séu með allt í lagi hjá sér eru alltaf einhverjir sem leggja í umferðina á bílum sem ekkert erindi eiga út á vegina.

Hér eru nokkrar myndir af kostulegum farartækjum. Hver veit nema við mætum einhverju þeirra í umferðinni.

Ökum varlega, komum heil heim. Góða ferð!

     

Allt þarf að vera í lagi

Finnair góðan daginn!

Er  McCarthy  ekki mættur og kominn í flugreksturinn! 

Ein hringing til flugfélagsins frá „vini“ og þú verður skilin eftir.

Takk fyrir að fljúga (ekki) með Finnair.

Góða ferð!

.

Neita að fljúga með svínaflensusmitaða

Af reyknum skaltu þekkja þá

Þegar ég kom fyrst til Grikklands, þ.e.a.s. Krítar árið 2000 þá vakti það athygli mína að allstaðar var reykt. Bankagjaldkerar voru með rettuna í munnvikinu og púuðu reyknum á viðskiptavinina í kapp við talningu á seðlunum.

Jafnvel þjónar á veitingarstöðum reyktu meðan þegar þeir tóku við pöntunum eða báru fram matinn.

Þegar ég kom næst til Krítar 2004 hafði verulega dregið úr þessum ósið.

Ég hef heimsótt Krít á hverju ári síðan þá. Stöðugt hefur dregið úr opinberum reykingum með hverju árinu. Nú get ég ekki merkt annað en sömu viðhorf séu til reykinga þar og hér gerist.

Á Krít býr eitthvert besta og vingjarnlegasta fólk sem ég hef kynnst, þar er dásamlegt að dveljast.

Drepa í rettunum 1. júlí