Tár á hvarmi blikar

Það er örugglega rétt hjá Naoto Kan forsætisráðherra Japans  að Japanar munu sigrast á þeim erfiðleikum sem þeir standa frammi fyrir. Það mun án efa taka þá tiltölulega skamman tíma að sigrast á efnahagslegum þáttum þessa tröllaukna áfalls, því þeir eru með afbrigðum dugleg, skyldurækin og ákveðin þjóð.

En aftur á móti mun þessar ógurlegu hörmungar liggja lengi á þjóðinni tilfinningalega. Það er sama hver þjóðin er, hver hörundsliturinn er eða kynþátturinn, tilfinningaleg  áföll, missir ástvina, nágranna og vina rista alstaðar jafn djúpt í sálir og vitund manna.

Það er þyngra en tárum taki að horfa á ógnvekjandi myndskeið af þessum hörmungum, sjá heljarátök jarðskjálftans,  sjá flóðbylgjuna vaða inn á landið og leggja allt í rúst á sinni tortímingar leið, vitandi að fólk er hundruðum, jafnvel þúsundum saman að bíða bana á sjónvarpsskjánum fyrir augum mans.

Mig bresta orð, ég tárast, ég græt og játa það fúslega.

Kan heldur í vonina

Athugasemdir

[Björn Birgisson, 13.3.2011 kl. 20:55]

Það tárast milljónir með þér. Vertu viss um það.

[Axel Jóhann Hallgrímsson, 13.3.2011 kl. 20:56]

Ég efast ekki um það Björn.

[doctore (IP-tala skráð) 14.3.2011 kl. 14:21]

Hér í dag, farin á morgun.

Akkúrat svona óöruggt er allt... við gætum þess vegna verið steindauð á morgun.

Raunverulega ógeðið í svona hamförum eru trúhausar sem reyna að selja galdrakarlinn sinn.  Kaþólikkar ofl ery einmitt byrjaðir á því; Verðið að blessa páfann og presta.. ugga bugga

[Axel Jóhann Hallgrímsson, 14.3.2011 kl. 15:15]

doctore, hann Svanur Gísli Þorkelsson er með athyglisvert blogg um þessa klikkhausa.