Vönduð blaðamennska

Þetta er óneytanlega skondin frétt um mjög svo mismunandi eldsneytisverð, landa á  milli, í Evrópu.

Fyrst er greint frá eldsneytisverðinu í Noregi, því hæsta í Evrópu, og það að sjálfsögðu gefið upp í íslenskum krónum,  svo er verðið í Rússlandi, það lægsta, tíundað og líka í íslenskum krónum. 

Þetta væri auðvitað tilgangslítil frétt ef bensínverðið á Íslandi væri ekki látið fljóta með til að fá samanburð við hin löndin, en þá fer blaðamaðurinn skyndilega Krýsuvíkurleiðina, bregður sér inn á gjaldeyrisreikni Moggans og umreiknar íslenska bensínverðið yfir í  Danskar krónur!

Það eru greinilega engin takmörk fyrir því hvað þessir blaðamenn leggja á sig fyrir fávísan mörlandann.

Eldsneytið misdýrt í Evrópu

Athugasemdir

[Rúnar Ingi Guðjónsson, 12.6.2011 kl. 12:36]

- íslenska krónugreyið er að bregðast okkur all hressilega.

þegar ég flutti til danmörku árið 2007 þá kostaði líterinn af bensíni um 10 ddk. þá var verðið um 110 ísk.

í dag kostar líternn 10.5 dkk sem er í íslenskum um 220 ísk.

Daninn hefur verið með með meðatímalaun um 180 dkk frá 2007 og er enn með 180 dkk

Íslendingurinn var með meðatímalaun 2000 ísk og er enn með 2000 ísk ef hann er heppinn með vinnu.

Daninn fékk árið 2007 ca. 18 lítra per unninn klukkutíma.

í dag fær daninn ca 17 lítra per unninn klukkutíma

Íslendingurinn fékk ca. 18 lítra per unninn klukkutíma árið 2007. í dag fær hann 9 lítra per unninn klukkutíma

-því spyr maður, hvers hagur er það halda í þetta blessaða krónugrey okkar?

[DoctorE (IP-tala skráð) 12.6.2011 kl. 12:48]

Nú, djöfulli erum við heppnir, með eitt ódýrasta.. ha

[Jón Steinar Ragnarsson, 12.6.2011 kl. 17:20]

Af hverhju kenna krónunni um? Hér varð hrun og gengið féll....já til allrar hamingju segi ég. Án hennar værum við í enn dýpri skít.  Það er eins og menn haldi að við getum hent einni mælieiningu og tekið upp aðra og þá verði allt í fína, kaupgjald og verðlag í prime og 2007-ið gæti haldið ótruflað áfram.

Það dettur engum hagfræðingi í hug að láta þessi rök frá sér, nema að hann sé á mála hjá samfylkingunni.

Svona samanburður og spuni hjá Mbl, er insvegar óafsakanlegur. Líklegast er hann talsvert dýrari hér á íslandi ef við tökum tillit til kaupgjalds. Ætli laun hér séu ekki um helmingi lægri en í Noregi t.d.

[Axel Jóhann Hallgrímsson, 13.6.2011 kl. 17:08]

Það las greinilega enginn það sem ég skrifaði.