Kjarnakonur eða meðalmenn

Tímamót eru í framundan í konunglega breska flotanum þegar kona tekur í fyrsta sinn við stjórn herskips.

Sarah West, sem er 39 ára, mun taka við stjórn herskipsins HMS Portland.

Sarah var, að sögn, valin til starfans vegna: ....leiðtogahæfileika sinna, öryggis, siðferðislegs hugrekkis, góðrar dómgreindar og framúr- skarandi mannlegra eiginleika. 

Ætli þessi sama formúla sé notuð þegar karlar eru valdir í stöður skipherra í hinum konunglega flota?

Eða ætli hún hafi verið samin sérstaklega fyrir konur, svona til að hækka þröskuldinn aðeins í þessu síðasta vígi breskrar íhaldssemi og þröngsýni?

Fyrsta konan sem stýrir herskipi

Athugasemdir

[Ásthildur Cesil Þórðardóttir, 8.8.2011 kl. 22:42]

Eiginmaður minn og fleiri fóru fyrir nokkrum árum til suðurEnglands til að sækja skútu, það var ákveðið að fá breska konu til að vera skipstjóri á henni á siglingu heim.  Málið er að þessi kona sem er gjörkunnug skútum og siglingu, stjórnaði þessum víkingum íslands með harðri hendi og svo að þeir hafa eldri borið aðra eins virðingu fyrir skipstjóra.  Svo ég get alveg trúað því að þessi kona geti verið afar góður stjórnandi.  Tek hatt minn ofan fyrir henni.  Segir mér bara að við konur getum svo sannarlega tekið stjórnina í okkar hendur ef við viljum.  Þá þarf ekker væl eða súlur um stöðu konunnar, heldur bara að bretta upp ermar og STJÓRNA. 

[Axel Jóhann Hallgrímsson, 8.8.2011 kl. 22:58]

Nákvæmlega Ásthildur. Konur standa körlum ekkert að baki á flestum sviðum, nema síður sé.

Það hefur lengi verið orðrómur um að menn veldust í stjórnunarstöður í her og flota Breta eftir því hverjir foreldrar þeirra væru frekar en hæfni og getu.

Þegar við áttum í þorskastríðunum við Breta þá voru yfirmenn freigátnanna kallaðir kokteildrengir af bresku togaraskipstjórunum.

Freigátur Bretanna höfðu fulla yfirburði yfir varðskipin okkar, bæði í stærð og ganghraða. Þær voru 5 til 6 sinnum stærri og gengu um og yfir 35 mílur á móti Týr og Ægi sem gengu tæpar 20 mílur. 

En við höfðum yfirburði í baráttunni við freigáturnar að einu leiti og það reið baggamuninum. Skipherrar og áhafnir Íslensku varðskipanna voru til muna betri sjómenn og skipsstjórnendur en  bresku kokteildrengirnir.

[Ásthildur Cesil Þórðardóttir, 8.8.2011 kl. 23:08]

Já Axel, þetta mættum við hafa í huga í dag, þegar endalaust er ráðið í stöður á vegum ríkisins eftir venslum, vináttu eða gullskeiðum.  Það er bara hrikaleg staðreynd að slíkt kemur alltaf í bakið á okkur fyrr eða síðar.