Lítill munur er á kúk og skít

Ekki er háttsemi hermanna Gaddafi falleg og til eftirbreytni. Villimennska er maki hernaðar og er því óhjákvæmilegur fylgifiskur styrjalda og stríðs.

Sjaldan hallar á í óþverrahættinum, allir stríðsaðilar eru undir sömu sökina seldir. Stríð framkalla aldrei annað en það versta í fari manna. Helsti munurinn milli stríðandi fylkinga er sá að þeim sem betur vegnar  í átökunum gengur oftast betur en hinum að leyna sínum voðaverkum.

Varpa ekki hersveitir NATO sprengjum á bæi og borgir, þar sem ætla má að óbreytta borgara sé umfram aðra að finna? Dráp á óbreyttum borgurum er þá kallað „slys“  eða óheppileg mistök og afgreitt sem eðlilegur fórnarkostnaður.

Sagt er að menn Gaddafi hafi stillt upp óbreyttum borgurum sem skildi. Hafi það hindrað hersveitir NATO að taka í gikkinn væri það alveg ný styrjaldartækni. Eina reglan í stríði er, og hefur alltaf verið, að skjóta fyrst og spyrja svo.

Í fréttum á vesturlöndum eru öll ljótu orðin notuð um andstæðingana, „vondu gæjana“,  en ómennin í röðum NATO fá minni umfjöllun, ef nokkra, nema þá helst um orðurnar sem á þá eru hengdar fyrir framlag þeirra í þágu mannkyns.  

Voðaverk Gaddafis gerð opinber

Athugasemdir

[Ásthildur Cesil Þórðardóttir, 30.8.2011 kl. 12:38]

Já það er svo rétt sigurvegararnir skrifa söguna.  En svo kemst þetta alltaf upp en ofgast of seint því miður.

[Daníel Sigurðsson, 30.8.2011 kl. 19:10]

Satt og vel að orði komist!  

Vert væri að þýða þessa grein á Dönsku og senda hana hinni aumkunarverðu strengjabrúðu Andres Fogh Rasmussen, fyrrum forsætisráðherra "Den Lille Danmark", sem hreiðrað hefur um sig í framkvæmdastjórastól NATÓ. Dessi ógeðfelda strengjabrúða hefur ekki  getað haldið vatni af hrifningu yfir "vaskri" frammistöðu danskra og norskra orustuflugmanna yfir algerlega loftvarnalausri Líbíu og virðist "lige glad" þó mikill fjöldi saklausra barna sé á meðal þeirra sem falli fyrir sprengjuregninu eins og stá í vindi, því sprengjurnar falla jú til að "vernda saklausa Borgara".