Frelsarans verk

Þegar bandaríkjamenn segja að þeim sé ekki ljóst hver fari með völd í einhverju tilteknu ríki er í raun stutt í að þeir blási í herlúðrana.

Þetta er 1. stigs undirbúningur að réttlætingu þess að þeir íhugi að taka lögin í sínar hendur í viðkomandi ríki , með hervaldi sem hægri hönd frelsarans,  til að drottna þar og dæma og útdeila landsins auðlindum til rétttrúaðra fylgismanna.

Er innrás og „frelsun“ Írans næsta verk frelsarans umboðsmanna?

Kanarnir ættu kannski að byrja á því að nota þessar yfirdrifnu mannréttinda- jafnréttis- og frelsishugsjónir sínar til að koma ástandi þeirra sömu mála í sama horf heima fyrir og þeir reyna stöðugt að þröngva upp á aðrar þjóðir.

En af einhverjum ástæðum er lítill áhugi á því.

Og þessu fylgja Íslensk stjórnvöld í algerri blindni og hugsunarleysi þó vítin ættu að vera þeim til varnaðar.

Aumari verður vart vesaldómurinn.

 

Óvíst hver stjórnar í Íran

Athugasemdir

[Steinar Þorsteinsson, 30.10.2011 kl. 21:54]

Sammála.

[Ásthildur Cesil Þórðardóttir, 30.10.2011 kl. 22:01]

Algjörlega sammála þessu.

[Axel Jóhann Hallgrímsson, 30.10.2011 kl. 22:13]

Mikið er gott að standa ekki einn með þessar "öfga og öfugsnúnu" hugsanir!

[Ásthildur Cesil Þórðardóttir, 30.10.2011 kl. 22:15]

Þetta eru ekki öfga og öfugsnúnar hugsnir Axel heldur mannleg skynsemi í ljósi reynslunnar.  þannig er það bara.

[el-Toro, 30.10.2011 kl. 23:04]

sannleikurinn hljómar stundum lygilegri en lygin. 

líka ef Bandaríkin vildu vita hverjir stjórna í Íran.  þá væru ekki þessi vandamál í samskiptum þessara þjóða....stórt og kaldhæðnislegt "ef"....

[Ásgeir (IP-tala skráð) 31.10.2011 kl. 09:25]

Af tvennu illu er þó betra að Bandaríkjamenn geri innrás í Íran og komi þar frá klerkastjórn ofbeldis og kúgunar en að klerkarnir og fylgislaxar þeirra geri kjarnorkuárás á Vesurlönd, enda hafa þeir margoft lýst því yfir í moskum sínum.

[Axel Jóhann Hallgrímsson, 31.10.2011 kl. 12:44]

Það er aðeins einn galli við þá kenningu Ásgeir, sem er alger skortur á kjarnorkuvopnum í Íran.

En það verður smá mál fyrir CIA að bjarga þeim vanda og "finna" snarlega slík vopn í hundraðatali í Íran rétt eins og þegar sú stofnun fullyrti að vart væri þverfótað fyrir sýkla og efnavopnum hjá Saddam til að búa til ástæðu til innrásar.