Eru fjölskylduorgíur það sem koma skal?

Samkvæmt frétt á Vísi.is þá vill Einingalistinn í Danmörku afnema úr lögum, bann við kynlífi systkina. Málið hefur vakið mikla athygli úti þar og samkvæmt fréttinni snýst umræðan aðallega um lögfræðihliðina og einhvern undarlegan samanburð á þessu kynlífi og hinu í bland við gamla forræðishyggju drauginn, en ekki er minnst á siðferðislegu hliðina.

Það kann að vera að menn geti talað sig út í það öngstræti að kynlíf milli systkina ætti ekki að vera refsivert en það er mér hulin ráðgáta hvernig þetta lið ætlar að rökstyðja það fyrir óbrengluðu fólki að kynlíf milli systkina sé eðlilegt, siðlegt og sjálfsagt.

Hvað á að lögleiða næst, kynlíf foreldra og barna?

Á hvaða leið er þetta lið, eða er það bara ég sem sé ekki „ljósið“?

  

Athugasemdir

[Ásdís Sigurðardóttir, 6.11.2012 kl. 12:36]

Þetta er nú ógeðslegt í mínum huga. Hvernig er hægt að hugsa til enda kynlíf milli systkina?

[Axel Jóhann Hallgrímsson, 6.11.2012 kl. 12:59]

Ég segi það sama Ásdís. Mér er spurn; hvað er það sem rekur fólk til þess hugsa þetta hvað þá að leggja þetta til? Svarið er einfalt í mínum huga, það hlýtur að eiga "hagsmuna að gæta".

[Ásdís Sigurðardóttir, 6.11.2012 kl. 13:34]

svei mér þá, vil ekki skilja svona lagað.

[Axel Jóhann Hallgrímsson, 6.11.2012 kl. 14:33]

Ásdís, ég held ég muni það rétt að samkvæmt íslenskum lögum mega systkinabörn giftast og eiga börn.

Þetta vefst nokkuð fyrir mér. Sú hugsun er mér nokkuð framandi að geta mögulega átt langafabörn þar sem ég væri afi beggja foreldra þeirra.

Ég er kannski svona gamaldags.

[Ásdís Sigurðardóttir, 6.11.2012 kl. 15:22]

Já, held að þetta sé rétt hjá þér með systkynabörn, finnst það líka skrítið eins og þér, því ég er það skild mínum frændum finnst mér að sambland við þá væri fásinna.

[Ingibjörg Axelma Axelsdóttir, 6.11.2012 kl. 16:03]

http://en.wikipedia.org/wiki/Inbreeding

Það eru meiri líkur á því að barn fæðist með erfðagalla deili foreldrar genum, heldur en að börn erfi líkamlega / andlega fötlun frá foreldrum sínum.

Það eru bara vissar fatlanir sem erfast frá einum aðila til annars, ekki allar. Margar fatlanir eru til komnar vegna sjúkdóma eða sýkinga sem móðir fékk á meðgöngu eða óheilbrigðu líferni, sem og sjúkdómum og sýkingum sem einstaklingar fá snemma á ævinni.

Svo bara út frá siðferðilegri hlið... ojbara, og nei takk.

[Ásdís Sigurðardóttir, 6.11.2012 kl. 16:07]

einmitt oj

[Axel Jóhann Hallgrímsson, 6.11.2012 kl. 16:08]

Takk fyrir þetta Inga mín.