Minning

Bostonborg hefur undanfarna daga verið í sannkölluðu umsátursástandi og íbúarnir skelfingu lostnir og nánast í felum frá því hryðjuverkið var framið þar fyrir nokkrum dögum. Það er umhugsunarefni að aðeins tveimur mönnum skuli hafa tekist að setja Bandaríkin gersamlega á hliðina í nokkra daga.

Óhæfuverk þessara tveggja manna var skelfilegur atburður og enginn ætti að þurfa að eiga slíkt yfir höfði sér. Bandaríkjamenn hljóta því, í ljósi þeirrar skelfingar sem þessir tveir hryðjuverkamenn ollu í samfélaginu í Boston og reyndar Bandaríkjunum öllum, að íhuga hvernig íbúum þeirra landa líður, þar sem Bandaríkin telja sig þurfa að fara um „frelsandi hendi.“

Í borgum og sveitum Afganistan og annarra landa eru það ekki bara tveir menn á ferð með heimagerðar sprengjur sem ógna lífi, heilsu og sálarró íbúanna. Nei þar fer um her manna eyðandi hendi, útbúinn hátækni morðtólum bæði í lofti og láði og láta sprengjum og skotum rigna yfir allt sem fyrir verður, þjóni það  „verkefninu“.

Manntjónið í hryðjuverkinu í Boston, þó skelfilegt sé,  er vart í frásögur færandi í samanburði við manntjónið í flestum „frelsisaðgerðum“ Bandaríkjahers. Ekki eru nema tvær vikur síðan tvær konur og tíu börn voru myrt í loftárás herja NATO í Afganistan.

Þess varð ekki vart að það raskaði ró nokkurs manns í Boston eða annarstaðar þar vestra.

Íbúar Boston í spennufalli

Athugasemdir

[Elín Sigurðardóttir (IP-tala skráð) 20.4.2013 kl. 11:11]

"Þess varð ekki vart að það raskaði ró nokkurs manns í Boston eða annarstaðar þar vestra."

Varstu fluga á vegg á hverju einasta heimili í Boston og þar vestra? Rosalega ertu öfluður maður!

[Helgi Armannsson (IP-tala skráð) 20.4.2013 kl. 11:19]

rosalega ert þú flink að snúa utur því sem Axel er að segja Elín

http://www.prisonplanet.com/fbi-ignores-men-with-backpacks-at-scene-of-boston-bombings.html

[Kristján (IP-tala skráð) 20.4.2013 kl. 11:26]

Já,það er ótrúleg hræsni sem felst í fréttaflutningi (ekki síst heilaþvottastöðva íslensku miðlanna) og meðferð þessara mála í USA.

Með fullri virðingu fyrir öllum þeim sem hafa farist og aðstandendum sem tengjast árásum í USA fyrr og síðar,þá er ekki hægt annað en að staldra við það,að til dæmis þegar World Trade Center var sprengt niður þá er okkur sagt að um það bil 3000 manns hafi farist,í kjölfarið fóru herir USA inn í Írak og Afganistan og drápu þar tugir og hundruði þúsunda,en bandaríkjamenn hafa alltaf lag á því að gera atburði heimafyrir sorglegri en það sem þeir hafa gert öðrum annars staðar.

[Axel Jóhann Hallgrímsson, 20.4.2013 kl. 11:34]

Elín, nei ég var ekki fluga á vegg þar vestra frekar en þú. En þögn fjölmiðla þar vestra um þennan atburð var svo ærandi hávær að það heyrðist jafnvel hingað.

[Elín Sigurðardóttir (IP-tala skráð) 20.4.2013 kl. 11:35]

Það er rétt hjá þér Axel. Við skulum gera skýran greinarmun á stjórnvöldum/fjölmiðlum og almenningi.

[Axel Jóhann Hallgrímsson, 20.4.2013 kl. 11:54]

Nei Elín, það er ekki hægt að gera skýran greinarmun á almenningi, stjórnvöldum og fjölmiðlum.

Almenningur getur hvorki þvegið hendur sínar af stjórnvöldum eða fjölmiðlum. Almenningur kýs yfir sig stjórnvöldin og hvað gera fjölmiðlar annað en klifa á þeim fréttum sem þeim gengur best að selja almenningi?

[Axel Jóhann Hallgrímsson, 20.4.2013 kl. 11:55]

Takk fyrir þitt innlegg Helgi.

[Axel Jóhann Hallgrímsson, 20.4.2013 kl. 11:56]

Tek undir þetta Kristján.

[Elín Sigurðardóttir (IP-tala skráð) 20.4.2013 kl. 12:00]

Hvernig geturðu verið viss um að almenningur hafi kosið yfir sig stjórnvöld? Ertu líka fluga á vegg í talningarherbergjum víðs vegar um heiminn? Þú ert magnaðri en ég hélt.

[Axel Jóhann Hallgrímsson, 20.4.2013 kl. 12:05]

Hefur þú heyrt talað um þing- og forsetakosningar Elín? Í slíkum fyrirbrigðum eru þingmenn og forseti valdir - af þjóðinni - til að fara með löggjafarvaldið og framkvæmdavaldið.

Ertu viljandi að leika þig fífl?

[Elín Sigurðardóttir (IP-tala skráð) 20.4.2013 kl. 12:07]

Hefðirðu verið ánægðari ef þjóðin hefði valið repúblikana? Hvernig hafa vinir þínir í Framsóknarflokknum það?

[Axel Jóhann Hallgrímsson, 20.4.2013 kl. 12:15]

Ég er pottþétt ekki sá eini sem hefur ekki hugmynd um það Elín hvar þú ert stödd á túninu og hvort þú ert að koma eða fara.

Ég ætlaði að spyrja hvort þú værir drukkin, en sleppi því.

[Elín Sigurðardóttir (IP-tala skráð) 20.4.2013 kl. 12:19]

Nei, þú ert pottþétt ekki sá eini sem ætlar að kjósa Framsókn. Allsgáður væntanlega?

[Ingibjörg Axelma Axelsdóttir, 20.4.2013 kl. 12:32]

Er verið að ráðast á pistilinn eða höfundinn, Elín?

[Axel Jóhann Hallgrímsson, 20.4.2013 kl. 12:33]

Já, það er runnin af mér Framsóknarvíman, hún stóð stutt, 0.34 sek.

[Elín Sigurðardóttir (IP-tala skráð) 20.4.2013 kl. 12:44]

Það er nú gott að heyra Axel.

[Axel Jóhann Hallgrímsson, 20.4.2013 kl. 13:12]

Það er örugglega gott, í sjálfu sér, Elín, en pottþétt ekki fyrir þig og þinn flokk. Svo sjúkur verð ég vonandi aldrei.

[Axel Jóhann Hallgrímsson, 20.4.2013 kl. 13:22]

Inga, gott ef umrædd Elín hefur ekki einmitt gagnrýnt aðra harðlega fyrir nákvæmlega það sama.

En þetta er í góðu lagi mín vegna, hún rispar mig ekki með þessu, aðeins sig sjálfa.

[Anna Sigríður Guðmundsdóttir, 21.4.2013 kl. 18:30]

Já Axel. Það er alveg ótrúlegt að fylgjast með fjölmiðlaleikritum hvítflibba-glæpaelítu heimsins. Almenningur lætur blekkjast, þrátt fyrir alla "siðmenntina"!

Nú er valdið hjá fjölmiðlafólki að neita að taka þátt í þessum mútu-fjölmiðlalygavef um allan heim, og svo er að sjálfsögðu mesta og öflugasta valdið hjá samstöðu almennings, að sjá í gegnum fjölmiðla-heilaþvottinn og bullið! Hver vill lifa í svona spilltum og vondum heimi?

Ísland hefur nú stundum verið kallað litla Ameríka, og ekki að ástæðulausu.

Stórveldi verða nú tæplega til án bankamafíu-ofbeldis-stjórnar, eða hvað? Hvað segir sagan? Hvaðan komum við, og hvert erum við að fara?

"Af hverju gerði enginn neitt til að stoppa þetta", var spurt eftir að upp komst um hryllinginn í seinni heimsstyrjöldinni?

Af hverju gerir enginn neitt til að stoppa þetta núna?

M.b.kv.