Misstum við af einhverju?

Hvað eru fréttir fyrst núna að berast af þessari nauðgun, rúmri viku seinna? Hljóta þær hljómsveitir, sem spila á þjóðhátíðinni í Vestmannaeyjum að spyrja.

Hljómsveitarmeðlimirnir hljóta að ærast, fara af hjörunum og leggja í framhaldinu niður hljóðfærin í mótmælaskyni. Það er auðvitað ótækt að þeirra mati, að þeir og almenningur hafi verið í rúma viku sviptur beinum, víðtækum og „æsandi“ fréttaflutningi af misþyrmingu og niðurlægingu konunnar.

Vonandi bíða hljómsveitarmeðlimirnir ekki skaða á sálinni að hafa orðið að bíða eftir “kræsingunum“ í heila viku.

Þessi frétt hefði annars að skaðlausu mátt bíða enn um sinn. Það er auðvitað sálarheill fórnarlambsins og rannsóknar hagsmunir sem skipta meira máli en fréttafíkn almennings og þörf þeirra sem eru tilbúnir að nota þjáningar annarra til að gera sig breiða.

 

Grunaður um nauðgun og hrottalegt ofbeldi

Athugasemdir

[Jóhann Kristinsson, 30.7.2016 kl. 13:51]

Sammála þér Axel Jóhann, það hefði mát geyma þessa frétt þangað til að dómur féll í málinu.

Það er ekki auðvelt að hreinsa mannorð sitt eftir að nafn ákærðs sé dregið í gegnum flórinn í flestum fjömiðlum landsins og svo er ákærður sýknaður af öllum ákærum og þá er ég ekki bara að tala um sakamálið sem þessi pistill er skrifaður um.

Hver á að hreinsa mannorð ákærðs eftir að vera dæmdur saklaus?

Spyr sá sem ekki veit.

Kveðja frá Seltjarnarnesi.

[Axel Jóhann Hallgrímsson, 30.7.2016 kl. 16:53]

Ég var reyndar ekki með hagsmuni hins grunaða í huga við þessi skrif Jóhann.

En það er alveg rétt að röng eða upplogin nauðgunarákæra er engu betri en hin meinta nauðgun.

[Gunnar Th. Gunnarsson, 12.8.2016 kl. 11:15]

Sammála