Yes Darling, yes please

Hún er orðin nokkuð þvæld þessi gamla tugga hjá Geir og flokksbræðrum hans  um sérstöku vináttu og vinsemd Breta í okkar garð. Hjartahlýjan og gæskan á,  að sögn, að streyma frá þeim í okkar garð í þeim mæli að það hálfa væri nóg. 

Hvernig í ósköpum getum við kallað það vina þjóð sem fer með hervaldi gegn okkur aftur og aftur og beitir okkur efnahagsþvingunum til að reyna að þvinga rangan málstað.

Landhelgin færð út í 4 mílur 1954. Löndunarbann sett á íslenskan fisk í Bretlandi.  

1. Þorskastríðið 1958. Landhelgin færð út í 12 mílur. Bretar sendu herskip inn í landhelgina til verndar veiðiþjófum. Bretar ræna 9 skipverjum af Þór. Skipherrann á HMS Russel hótar að sökkva varðskipi.

2. Þorskastríðið 1970. Landhelgin færð út í 50 mílur. Herskip og dráttarbátar sendi til verndar veiðiþjófum. Dráttarbátarnir hófu ásiglingar á íslensku varðskipin. Banaslys varð um borð í Ægi þegar vélstjóri vann að viðgerð eftir ásiglingu.

3. Þorskastríðið 1975. Landhelgin færð út í 200 mílur. Dráttarbátar og herskip inn í landhelgina á ný. Ásiglingum beitt ótæpilega af bæði dráttarbátum og herskipum og náðu hámarki þegar herskip gerði tilraun til að sökkva varðskipinu Tý. Mátti engu muna að það tækist. Megnið af áhöfninni hefði vafalaust farist með skipinu hefði þessi ásetningur heppnast.  Stjórnmálasambandi slitið við Breta.

 Ég veit ekki með aðra en mér er fyrirmunað að telja ríki til okkar bestu vina, sem án hiks kemur svona fram við okkur .  Það má spyrja sig hvað þeir hefðu verið tilbúnir að ganga langt ef þeir hefðu ekki verið þessir vildar vinir okkar.

Það hefur aldrei verið talið merki um einlæga vináttu milli ríkja þegar þau slíta stjórnmálasambandi.

Og þessi atlaga þeirra núna sýnir svo ekki verður um villst að það er þeim ekki sérlega ofarlega í huga að telja okkur til vina þeirra, nú frekar en fyrr, nema það henti þeirra hagsmunum. 

Mjög óvinveitt aðgerð

Athugasemdir

[atli (IP-tala skráð) 9.10.2008 kl. 18:35]

fyrr ligg ég daudur en ad kalla breta vini,,,  ég sé ekki betur en ad rússar séu ad  sína okkur hvernig "vinir" eigi ad reynast þegar á reynir. þad eru allir vinir þegar vel gengur, en svo kemur hid rétta fram þegar á móti blæs...

[Gulli litli, 9.10.2008 kl. 18:56]

Oh darling. Plís bílíf mí. Æ never dú jú nó harm....

[Axel Jóhann Hallgrímsson, 9.10.2008 kl. 19:01]

Atli, það hefur alltaf verið góður mælikvarði á vináttu, hvernig hún heldur, þegar á móti blæs.

Gulli, Bítlarnir passa einkar vel á þessum degi.

[Hallgrímur Þór Axelsson. (IP-tala skráð) 9.10.2008 kl. 20:13]

Hefur verið sagt oftar en einusinni " sagan endurtekur sig! ". Merkur maður sagði einusinni um annann mann að hann hefði skítlegt eðli og ég tel að það eigi vel við um breta núna. Best að sparka vel í þann sem lyggur vængbrotinn í götunni.

[Axel Jóhann Hallgrímsson, 9.10.2008 kl. 21:07]

Það myndi ekki koma mér verulega á óvart að þetta með "skítlega eðlið" yrði staðfest innan tíðar.