Kynrembu fréttaskýring

Að konur hafi kosið konur til valda, er að mati Kristínar Ástgeirsdóttur helsta skýringin á jöfnu kynjahlutfalli hjá VG, Samfylkingunni og Borgarahreyfingunni.

Ef konur sem greiddu þessum framboðum atkvæði voru að kjósa konur, hvað vorum við karlarnir sem kusum þessa lista að kjósa?  

Mér finnst Kristín raunar gera lítið úr kynsystrum sínum að ætla þeim að þær kjósi frekar eftir kyni en mannkostum eða stefnumálum. Er til gleggra dæmi um kynrembu.

Er skýringin ekki einfaldari en þessi hugsýn Kristínar? Er ekki jafnt hlutfall kynja á framboðslistunum eina skýringin á jöfnu hlutfalli kynjanna í þingflokkunum?

Ef konur eru ekki á framboðslistum er ekki líklegt að þeir skili konum inn á þing, gildir þá einu hversu margar konur kjósa þá lista. 

Konur kusu konur til valda á Alþingi

Athugasemdir

[Anna Svavarsdóttir, 27.4.2009 kl. 11:42]

Sæll félagi, gaman að sjá að þú ert að blogga aftur.

En varðandi þessa frétt. 

Jafnara hlutfall kynjanna á þingi er auðvitað vegna þess að listarnir sem í boði, hafa jafnara hlutfall kynjanna.

[Hrefna (IP-tala skráð) 27.4.2009 kl. 13:07]

Já þakka þér fyrir. Ég sé allavega ekki að ég hafi kosið konur fram yfir karla, ekki allavega stóð ég og strokaði yfir alla karlana!! Frekar fáranleg frétt nema hún hafi komist að því af kjörseðlinum hver kaus hvað. Bæði lélegt gagnvart konum og körlum að halda þessu fram.

[Fransman (IP-tala skráð) 7.5.2009 kl. 09:39]

Ég veit ekki hvernig konur ættu að fara að því að kjósa einstaklinga frekar en karlar.

Í kosningum á íslandi fær almenningur aðeins að velja um flokka en ekki einstaklinga og það er í besta lagi vafasöm tölfræði að halda því fram að "konur hafi kosið konur" þó svo útkoman sé konum hagstæð hjá þeim flokkum sem konur kusu mest.