Auddi og Sveppi kelfa kvígu.

Það verður seint sagt um þá Audda  og Sveppa að þeir séu sporfylgjendur í furðulegum uppátækjum sínum.

Það segir frá því á Vísi.is að samkvæmt frétt í Fréttablaðinu hafi þeir félagar nýlega brugðið sér í fjósið á Tannstaðabakka í Hrútafirði norður og átt þar rómantíska samverustund með einni kvígunni,  með það að markmiði að kelfa hana.

Dýralæknafélagi Íslands mun ekki skemmt yfir þessu tiltæki og dregur  eðlilega  í efa getu þeirra félaga, að gagnast kú.  Vegna  verklegs getuleysis hafi þetta verið  niðurlægjandi fyrir kvíguna, að sögn félagsins.

Líklegt verður að telja að á þessu sviði séu þeir algerir kálfar og beri sig fjærri því nægjanlega nautslega að, líkt og vanir sæðarar.

Ekki fer af því sögum hvort þessi ástarfundur í fjósinu á Tannstaðabakka hafi borið ávöxt.

Meðf. mynd er Fréttablaðsins.

 

 

Athugasemdir

[María (IP-tala skráð) 2.11.2009 kl. 15:53]

Í einu orði sagt viðbjóðslegt og ætti að kæra þetta er dýraníð og varðar við dýraverndarlög.

Fíflagangur sem á ekkert erindi í sjónvarp.

[Ásdís Sigurðardóttir, 2.11.2009 kl. 16:10]

Mér finnst líka skrítið að þeir hafi notað sér fjarveru hjónanna á bænum til að gera þetta.

[Axel Jóhann Hallgrímsson, 2.11.2009 kl. 16:14]

Voru ábúendurnir ekki heima Ásdís?

Ég taldi víst að þetta hefði verið gert með þeirra samþykki og leiðsögn kunnáttumanna.

[Axel Jóhann Hallgrímsson, 2.11.2009 kl. 16:20]

María; það hefur ekki fram að þessu verið talið dýraníð að sæða kýr og varðar ekki við dýraverndunarlög.

Megnið af öllu Íslensku nautakjöti er þannig tilkomið. En auðvitað er æskilegt að menn kunni til verka.

En ég er sammála því að þetta er ekki efni í fíflaþátt eins og þeirra Audda og Sveppa. Þetta hefur þó verið sýnt í sjónvarpi í þáttum sem hæfðu efninu.

[Sólveig (IP-tala skráð) 3.11.2009 kl. 16:22]

Axel, ekki snúa út úr. Þetta er ekki spurning um hvort það sé dýraníð að sæða kú. En þegar það er gert að skemmtiefni í sjónvarpi og aðkoman brýtur bæði í bága við lög um dýraverndun og reglugerð um búfjársæðingar er þetta alvarlegt mál sem ég vona að verði rannsakað í kjölinn. Formaður félags dýralækna og yfirdýralæknir eru komnir í málið og líka Dýraverndunarsamband Íslands.